१३ भाद्र, काठमाडौँ । नेकपा एमालेका महासचिव शंकर पोखरेलले नेकपा माओवादी केन्द्रले संविधान नस्वीकारेको भाषा बोल्न मिल्छ भन्दै प्रश्न गरेका छन् ।
उनले सामाजिक सञ्जाल फेसबुकमार्फत यस्तो प्रश्न गरेका हुन् । पोखरेलले संविधानले जनयुद्ध नचिन्ने तर माओवादीले जनयुद्ध भनिरहेको बताए । एमाले र काँग्रेसलाई संविधानको भाषा बोलेन भनेर विरोध गर्ने माओवादीले चैँ संविधान नस्विकारेको भाषा बोल्न मिल्छ र ? भन्दै उनले प्रश्न गरेका छन् ।
‘अहिले माओवादीका मित्रहरू माओवादी आन्दोलनलाई हिंसात्मक आन्दोलन भनेकोमा उत्तेजित भएको देखिन्छ’, उनले उल्लेख गरेका छन्, ‘तर संविधानले जनयुद्ध चिन्दैन माओवादी सांसदहरु जनयुद्ध भनिरहेकै सुनिन्छ । एमाले र काँग्रेसलाई संविधानको भाषा बोलेन भनेर विरोध गर्नेले माओवादीले चैँ संविधानले नस्विकारेको भाषा बोल्न मिल्छ र ?’
हाल संसदमा चलिरहेको तिक्ततापूर्ण बहसको सर्जक नै माओवादी अध्यक्ष पुष्पकमल दाहाल प्रचण्ड भएको आरोप लगाउँदै पोखरेलले लेखेका छन्, ‘नयाँ सरकार गठन भएको सय दिन नपुग्दै प्रधानमन्त्री र नयाँ समीकरणका विरुद्धमा उनले दिएको अराजनीतिक र असंसदीय अभिव्यक्ति नै आजको द्वन्द्वको कारण हो । प्रचण्डको गलत र कुन्ठाग्रस्त अभिव्यक्तिको प्रतिवाद सत्तापक्षवाट हुनु स्वभाविक नै हो । त्यसवाट माओवादीका मित्रहरू धेरै उद्वेलित हुनु पर्दैन ।’
थप समाचारहरु
प्रचण्डले एमालेलाई प्रधानमन्त्रीको प्रस्ताव गर्न ढिला गर्नुभयो : सांसद भट्टराई
निजामती कर्मचारी सङ्गठनको अध्यक्ष पदमा दाहाल
टुँडिखेलमा सेनाले मनायो घोडेजात्रा, राष्ट्रपति र प्रधानमन्त्री सहभागी
प्रदेश संरचनाको देशमा सुशासन आवश्यक छ : तामाङ
सगरमाथा आरोहण गरेका प्रहरीको पदोन्नति
एमाले धनुषामा भोला यादव नेतृत्वको समूह विजयी
