काठमाडौं । अभियन्ता डा.निकोलस भुसालले पुराना नेताहरुको विकल्प खोज्न आवश्यक रहेको बताएका छन् ।
बुधबार माइतिघर मण्डलामा भएको आन्दोलनमा उनले विगत धेरै वर्षदेखि यहीँ दुई चार जना नेताहरुले शासन गरिरहेको भन्दै यीनिहरुको विकल्प खोज्नुपर्ने बताएका हुन् ।
उनले भने, ‘हामीलाई ३०, ४० वर्षदेखि यही दुई चार जना नेताहरुले शासन गरिरहेको छ यसलाई रोक्नुपर्छ । यीनिहरुको विकल्प हामीले अब खोज्नुपर्छ ।’
यसको साथै, उनले नेपाल अवसर नै अवसरको देश भएको भन्दै अब सबैजना मिलेर यसलाई बनाउनुपर्ने बताए ।
उनले भने, ‘यो देश अवसर नै अवसरको देश हो । हामी उठ्नुपर्छ भनेर हामी लागि परेका छाँै । यो आन्दोलनलाई सबैले साथ दिएको छ । विस्तारै विस्तारै हाम्रो आन्दोलन बढ्दै छ । काङ्ग्रेस एमालेबाट दिक्क भएर पनि धेरै जना आन्दोलामा सहभागि हुनु भएको छ ।’
