बढी भयो सरकारले हजयात्रीसँग उठाएको रकम, प्रति व्यक्ति २३ हजार फिर्ता हुने

२९ साउन, काठमाडौं । सन् २०२४ का हजयात्रीसँग खर्चबापत उठाएर बढी भएको रकम सरकारले फिर्ता गर्ने भएको छ । गृह मन्त्रालयअन्तर्गतको नेपाल हज समितिको साउन २४ गतेको बैठकले हज यात्रा गराउन उठाएर बढी भएको रकम फिर्ता गर्ने निर्णय गरेको हो ।

समितिले अब यात्रुहरूलाई आइपिएसमार्फत खातामा रकम फिर्ता गरिदिनेछ । त्यसका लागि बैंक खाताको विवरण आफ्नो जिल्लाको प्रशासन कार्यालयमा एक महिनाभित्र अद्यावधिक गर्नुपर्नेछ ।