एमाले सांसदमाथि काठमाडौं प्रहरीले थाल्यो अनुसन्धान

२६ साउन, काठमाडौं । बाल श्रमशोषणको कसुरमा लुम्बिनी प्रदेश सभा सदस्य रेखा शर्मामाथि काठमाडौं प्रहरीले अनुसन्धान अघि बढाएको छ । सांसद शर्माले प्रहरीलाई विपक्षी बनाई दायर गरेको रिटमा अदालतले प्रहरीको पक्षमा फैसला सुनाएपछि अनुसन्धान अघि बढाएको हो ।

शर्माले बालुवाटारस्थित घरमा १४ वर्षीया बालिकालाई श्रमिकका रूपमा राख्दै आएकी थिइन्। हिंसा भोग्दै आएकी बालिकालाई काठमाडौं महानगरपालिकाले गत १४ जेठमा उद्धार गरी सामाजिक संस्थामा पठाएको थियो।

पढाइदिने भन्दै बालिकालाई घरमा राखेकोमा अत्यधिक काममा लगाउने गरेको गुनासोका आधारमा उनको उद्धार भएको महानगरपालिकाले जनाएको छ। उद्धारपछि सांसद शर्माविरुद्ध महानगरपालिकाले नै बालबालिकाविरुद्धको कसुर मुद्दामा प्रहरीमा जाहेरी दर्ता गरेको थियो। तर, उनलाई पक्राउ नगर्न प्रहरीमाथि सरकारको दबाब परेको छ ।

थप समाचारहरु

बालुवाटारमा नयाँ सत्ता गठबन्धनको बैठक, शीर्ष नेताहरु सहभागी कांग्रेसले फिर्ता लियो सरकारलाई दिएको समर्थन आफ्नो लक्ष्य र उद्देश्य परिपुर्ती गर्नका लागि शक्तिका साथ अगाडि बढ्नुपर्छ : माधव नेपाल कांग्रेस मझौला व्यवसायी विकास विभागले स्टार्टअप र साना मझौला व्यवसाय सम्मेलन गर्ने सञ्चारमन्त्रीद्वारा मन्त्रिपरिषद्का निर्णय सार्वजनिक बहुविवाहलाई कानुनी मान्यता दिने प्रयास अस्वीकार्य : श्रेष्ठ