गुडिरहेको माइक्रो बसमाथि रुख ढल्दा नौ यात्रु घाइते

२१ साउन, मलेखु (धादिङ)। पृथ्वी राजमार्गअन्तर्गत धादिङको गजुरी गाउँपालिका–५ जरेमा गुडिरहेको माइक्रो बसमाथि रूख ढल्दा नौ यात्रु घाइते भएका छन् ।

धादिङबाट काठमाडौँतर्फ जाँदै गरेको बागमती १–००६च ६२१२ नम्बरको माइक्रो बसमाथि जरेपुलनजिक रूख ढल्दा उक्त दुर्घटना भएको हो । जिल्ला प्रहरी कार्यालय धादिङका प्रहरी नायव उपरीक्षक मकेन्द्रकुमार मिश्रका अनुसार घाइते यात्रुको गजुरीका विभिन्न स्वास्थ्य संस्थामा उपचार भइरहेको छ ।

“घाइते सबै खतरामुक्त रहेका छन्”, प्रहरी नायव उपरीक्षक मिश्रले भने । रूख ढल्दा पृथ्वी राजमार्ग केहीबेर दुइतर्फी अवरूद्ध बनेको थियो । अहिले दुईतफीरुपमा यातायात सेवा सञ्चालन भएको प्रहरीले जनाएको छ ।

थप समाचारहरु

माइतीघर मण्डलाबाट सिके राउतसहित पक्राउ विश्व वातावरण दिवसः ‘हाम्रो भूमि, हाम्रो भविष्य’ भन्ने मूल नारासाथ मनाईदै बालेनका समर्थक बसन्तपुरबाट प्रहरी नियन्त्रणमा जलवायु वित्तको भुक्तानी माग गर्दै काठमाडौंमा प्रदर्शन दिग्भ्रमित पार्न सक्ने खतराबाट आमसञ्चारका माध्यमहरू सचेत हुनुपर्छ :  राष्ट्रपति पौडेल तनहुँ जलविद्युत् आयोजनाले माछा संरक्षण गर्दै