१८ साउन, काठमाडौं । प्रधान सेनापति प्रभुराम शर्माले काभ्रेपलान्चोकको पाँचखालमा रहेको वीरेन्द्र शान्ति कार्य तालिम केन्द्रलाई अन्तर्राष्ट्रिय स्तरको बनाउन केही भौतिक संरचनाहरुको शुक्रबार शिलान्यास तथा समुद्घाटन गरेका छन् ।
संयुक्त राष्ट्र सङ्घीय शान्ति स्थापना कार्यमा खट्टिने नेपाली सेनाका सकलदर्जालाई प्रि–डिप्लोईमेण्ट तालिम दिनका लागि उक्त स्थानमा निर्माण गर्न लागिएको जवान लाइन र पदिक मेसको प्रधान सेनापतिले शिलान्यास तथा समुद्घाटन गरेका हुन् ।
उनले निर्माण सम्पन्न भएका अधिकृत मेस, पदिक मेस, जवान वासस्थान, जवान डाईनिङ्ग हल र बहु उपयोगी स्टोर भवनहरूको समुद्घाटन गरे । सो अवसरमा प्रधान सेनापतिले उक्त केन्द्रमा सञ्चालित तालिमलगायत विविध पक्षका बारेमा जानकारी लिंदै सकलदर्जालाई सम्बोधन गरे ।
२०४३ सालमा शान्ति सैनिकको रूपमा खट्टिने नेपाली शान्ति सैनिकहरूलाई तालिम प्रदान गर्न पाँचखाल तालिम शिविरको रूपमा स्थापना भएको उक्त तालिम केन्द्र ०५८ मा वीरेन्द्र शान्ति कार्य तालिम केन्द्रको रूपमा नामकरण भएको थियो ।
उक्त तालिम केन्द्रबाट विश्व शान्ति स्थापनार्थ विभिन्न संयुक्त राष्ट्र सङ्घीय शान्ति मिसनहरूमा सहभागी हुने फौजको पेसागत दक्षता तथा आपसी समन्वयात्मक क्षमता अभिवृद्धि गर्न संयुक्त राष्ट्र सङ्घमा आबद्ध देशका सैनिकहरू बिच विभिन्न समयमा संयुक्त तालिम तथा अभ्यासहरू समेत सञ्चालन हुँदै आइरहेको छ ।
थप समाचारहरु
माइतीघर मण्डलाबाट सिके राउतसहित पक्राउ
विश्व वातावरण दिवसः ‘हाम्रो भूमि, हाम्रो भविष्य’ भन्ने मूल नारासाथ मनाईदै
नक्कली शरणार्थी प्रकरण अनुसन्धानमा नयाँ तथ्य भेटिएन
बालेनका समर्थक बसन्तपुरबाट प्रहरी नियन्त्रणमा
जलवायु वित्तको भुक्तानी माग गर्दै काठमाडौंमा प्रदर्शन
दिग्भ्रमित पार्न सक्ने खतराबाट आमसञ्चारका माध्यमहरू सचेत हुनुपर्छ : राष्ट्रपति पौडेल
