३१ जेठ, काठमाडौं। काठमाडौं महानगरपालिकाभित्र अहिले अव्यवस्थित टेलिफोन, इन्टरनेट लगायतका तार व्यवस्थापनको काम धमाधम भइरहेको छ।
महानगरपालिकाको ताकेतापछि सेवा प्रदायक कम्पनीहरुले टेलिफोन, इन्टरनेट, केवल लगायतका तारहरु व्यवस्थित गर्ने उदेश्यले तार काट्ने काम भइरहेको हो।
तर, व्यवस्थापनको नाममा काटिएका तारहरू सडक पेटीमा अलपत्र छोडिंदा त्यसले झन् दुर्घटनाको जोखिम बढाएको पैदल यात्रुहरू बताउँछन्।
बानेश्वर, थापागाउँ लगायत क्षेत्रमा सेवा प्रदायक कम्पनीहरुले तार काटेर फुटपाथमै भद्रगोल रूपमा छोड्दा अल्झिएर लड्ने खतरा बढेको उनीहरू बताउँछन् ।
‘तार व्यवस्थापन गर्दा राम्रो त देखिन्छ। तर, यो पनि सुरक्षित गर्नुपर्यो नि, अहिले बाटोमा हिँड्दा अल्झिने समस्या छ, फुटपाथको रेलिङमा बाँधेर राख्दा अर्को खतरा देखिएको छ,’ पैदल यात्रु निकिता श्रेष्ठ बताउँछिन्।
काठमाडौं महानगर प्रहरीले यो विषयमा ध्यानाकर्षण भएको भन्दै एकीकृत तार व्यवस्थापन गर्दा निस्केका तारहरुलाई सुरक्षित व्यवस्थापन गर्न निर्देशन दिने जनाएको छ।
थप समाचारहरु
उपकरण मर्मतका लागि आविष्कार केन्द्र र वीर अस्पतालबीच सम्झौता
बुद्ध एयरले राजविराज विमानस्थलबाट रात्रीकालिन उडान सुरु गर्दै
आजको मौसमःयी स्थानमा हिमपात र वर्षाको सम्भावना
यस्तो छ आज तरकारी र फलफूलको थोक मूल्य
मोबाइल व्यवसाय व्यवस्थित गर्न दबाब, बार्षिक नौं अर्ब अतिरिक्त राजश्व गुमाउँदै सरकार
नेपाल क्षेत्रीय ऊर्जा सहकार्यमा अग्रसर : मन्त्री खड्का
