२५ जेठ, काठमाडौ ।नेपाल मोबाइल व्यवसायी महासंघले मोबाइल फोनमा तत्काल एमडीएमएस प्रणाली लागू गर्न माग गरेको छ।
काठमाडौंमा शुक्रबारबाट सुरू महासंघको दोस्रो महाधिवेशन तथा तेस्रो साधारणसभामार्फत महासंघले मोबाइल फोनको गैह्र कारोबार रोक्न तत्काल एमडीएमएस प्रणाली लागू गर्नु पर्ने बताएको हो ।
महासंघका अध्यक्ष भरत भट्टराईले एमडीएमएस लागू नहुँदा अवैध मोबाइलको कारोबार भइरहेको भन्दै यसलाई तत्काल रोक्नुपर्ने बताए ।
उनले भने, ‘एमडीएमएस लागू नहुँदा मोबाइलको गैह्र कारोबार बढिरहेको छ, यसलाई रोक्न सरकारले ध्यान देओस, सरकारले त्यसका लागि तत्काल एमडीएमएस प्रणाली लागू गरोस् भन्ने आग्रह गर्न चाहन्छु।’
उनले ग्रे फोन अर्थात भन्सार छलीबाट भित्रिएका मोबाइलले नेपालको मोबाइल व्यवसाय मारमा परेको समेत बताए । ‘अहिले ग्रे फोनले नेपाली मोबाइल व्यवसायीहरु मारमा छन् । भन्सार छलेर भित्रने मोबाइलले बजार नै बिगारेको छ, त्यसले गर्दा देशको राजस्वमा वार्षिक अर्बौ रुपैयाँ घाटा भइरहेको छ,’ उनले भने, ‘ग्रे फोनको बढ्दो कारोबार तत्काल नरोक्ने हो भने अवस्था झन बिग्रने खतरा छ।’
महाधिवेशनमार्फत महासंघको आगामी कार्यकालका लागि नेतृत्व चयन हुँदैछ। महाधिवेशनका लागि ७० जिल्लाबाट करिब एक हजार प्रतिनिधि सहभागी भएका छन् ।
थप समाचारहरु
व्यापार व्यवसायलाई डिजिटल प्रविधिमा रूपान्तरण गर्न जनकपुरधाममा छलफल
जनयुद्धका कारण नेपालमा संघीय लोकतान्त्रिक गणतन्त्र स्थापना भएको दाबी
यस्तो छ आजको तरकारी र फलफूलको थोक मूल्य
आइतबारको विदेशी मुद्राको विनिमयदर कति ?
आजको मौसम : देशभर वर्षा र हिमपातको सम्भावना
यी प्रदेशहरुमा मेघगर्जन र चट्याङ सहित वर्षाको सम्भावना
