२६ वैशाख, काठमाडौं । त्रिभुवन अन्तर्राष्ट्रिय विमानस्थल आन्तरिक टर्मिनलमा एक्कासी भेल पस्दा यात्रु तथा कर्मचारीलाई सास्ती भएको छ ।
विमानस्थल प्रवक्ता सुवास झाका अनुसार पानी निकासका लागि बनाइएको ढल थुनिएर भल विमानस्थलभित्र पसेको हो।
उनले रातोकागजसँग भने, ‘विमानस्थलको बोर्डिङ पास लिएर सेक्युरिटी चेकतर्फ अगाडि बढ्ने क्रममा रहेको गहिरो स्थान छ । एक्कासी ठूलो पानी पर्यो र ड्रेनेज थुनिएपछि विमानस्थलभित्र भेल पसिहाल्यो । ‘ उनले भेल पस्ने ठाउँ दुई वटा भवनको बीचको भाग रहेको र यहीबाट पानी लिकेज भएको बताए ।
काठमाडौंमा वर्षा, एयरपाेर्टमा बाढी #Nepal pic.twitter.com/LpKec1SuPX
— Ajay Das (@ajaydas09) May 8, 2024
