१४ चैत, काठमाडौं । नागरिक उन्मुक्ति पार्टी (नाउपा)ले सङ्घीय सरकारमा सहभागितासहित सुदूरपश्चिम र लुम्बिनी प्रदेश सरकारबारे निर्णय लिन बैठक बसिरहेको छ ।
पार्टी कार्यालय अनामनगरमा अहिले नाउपाका संस्थापक र सांसदहरूको बैठक जारी रहेको पार्टीकी अध्यक्ष रञ्जिता चौधरीले जानकारी दिइन् । उनका अनुसार आज बिहान नौ बजे २१ जना संस्थापकहरू छलफलमा जुटिरहेका छन् ।
बैठकले सङ्घीय सरकार, लुम्बिनी र सुदूरपश्चिम सरकारबारे आगामी मार्ग तय गर्ने बताइएको छ ।
बैठकमा २१ जना संस्थापक र सङ्घीय र प्रदेशका गरी १६ जना सांसदहरूको सहभागिता रहने भएको छ ।
