१ चैत, विराटनगर । उदयपुरको बेलका नगरपालिका– ७ मा भीरबाट यात्रुबहाक गाडी खसेको छ । भोजपुरको घोडेटारबाट यात्रु लिएर सुनसरीको धरान हिँडेको गाडी भीरबाट खसेको हो ।
गाडी खसेको सूचनापछि प्रहरी टोली घटनास्थल पुगेको छ । घटनास्थलमा रहेका स्थानीय मिलन राईका अनुसार मैनामैनीको भीरबाट करिब पाँच सय मिटर तल गाडी खसेको थियो । घटनास्थलबाट उद्दार गरेर सात जनालाई बीपी कोइराला स्वास्थ्य विज्ञान प्रतिष्ठान धरान पठाइएको उनले बताए । ‘गाडीले चपिएको अवस्थामा केही शवहरु छन्,’ उनले भने,‘ चार जना गाडीमा चेपिएका छन्, भिरमा पनि शव छन् ।’
कोशी प्रदेश प्रहरी प्रमुख डीआईजी चन्द्रकुबेर खापुङले ६ जनाको शव घटनास्थलमा भेटिएको बताए । ७ जनालाई उपचारका लागि बीपी कोइराला स्वास्थ्य प्रतिष्ठान धरान पठाएको उने बताए । उनका अनुसार मृत्यु हुनेको संख्या अझै बढ्नसक्छ ।
थप समाचारहरु
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
आगलागीमा परी १० लाख बढीको क्षति
प्रहरी कुट्ने चार युवा पक्राउ
पाँचवटा संसदीय समितिको बैठक बस्दै, यस्ता छन् कार्यसूची
आर्थिक सुधारलाई उच्च महत्व : अर्थमन्त्री पौडेल
मौसम पूर्वानुमान : चार प्रदेशमा अत्यधिक वर्षा हुने सम्भावना
