११ फागुन, काठमाडौं । थापाथलीस्थित परोपकार प्रसूति गृह तथा स्त्री रोग अस्पतालबाट हराएको शिशु काँडाघारीमा फेला परेको छ ।
जिल्ला प्रहरी परिसर, काठमाडौंका एक अधिकृतले शिशुलाई काँडाबारीमा फेला पारिएको पुष्टि गरेका छन् । बच्चा लिएर जाने महिलालाई प्रहरीले नियन्त्रणमा लिएको छ ।
शुक्रबार दिउँसो प्रसुति गृहबाट २६ दिनको शिशु एक जना संदिग्ध महिलाले लिएर गएकी थिइन् । प्रहरीले शिशुसहित उनलाई नियन्त्रणमा लिएपनि नाम सार्वजनिक गरेको छैन ।
शिशु लैजानुको कारण पनि प्रहरीले बताएको छैन । सीसी टीभी फुटेजमा मास्क लगाएकी महिलाले काभ्रेकी एक महिलाले जन्मदिएको २६ दिनको शिशु लिएर हिंड्दै गरेको देखिएको थियो ।
अनुसन्धान अधिकृतहरुले फुटेजका आधारमा शिशुको खोजी गरेका थिए ।
अस्पतालका निर्देशक डा. श्रीप्रसाद अधिकारीले पीडित महिला ओपीडी जाँचका लागि अस्पताल पुगेका बेला शिशु चोरी भएको बताएका थिए ।
थप समाचारहरु
रसुवागढी नाकाबाट सुनसहित ३ जना पक्राउ
स्याङ्जामा एक युवकको हत्या
थारु भाषाको म्युजिक भिडियो “लहान बजारमे” सार्वजनिक
घमाइलो देखियो हलचोक आसपासको काठमाडौं उपत्यका (फोटो फिचर)
दलित, महिला बहिष्कार गरेर बनाइने ‘सुखी नेपाली’ कस्तो हो भन्दै प्रचण्डको प्रश्न
खाद्य सुरक्षाका लागि मलखादमा ६६ प्रतिशतसम्म अनुदान : मन्त्री अधिकारी
