काठमाडौं । एलेजान्डर इसाकले दुई गोल गरेपछि लिभरपुलले प्रिमियर लिगमा शुक्रबार इप्स्वीच टाउनलाई २–० ले पराजित गरेको छ ।
यस सिजन लगातार दुई खेलमा बराबरी खेलेपछि लिभरपुलले पहिलो जित निकालेको हो । नयाँ प्रशिक्षक एन्डोनी इराओलाका लागि पनि यो लिगमा पहिलो जित बनेको छ ।
गत वर्ष कीर्तिमानी १२ करोड ५० लाख पाउण्डमा लिभरपुलमा आबद्ध भएका इसाकले खेलको सुरुवाती १० मिनेटमै दुई गोल गरे । स्वीडेनका अन्तर्राष्ट्रिय खेलाडी इसाकले छैटौं र नवौं मिनेटमा गोल गरेका हुन् । दुवै गोलमा कोडी गाक्पोले असिस्ट प्रदान गरे ।
लिभरपुलका लागि ब्राडली बारकोलाले पनि डेब्यु गरे । उनी ६४औं मिनेटमा भिक्सटर मुनोजको स्थानमा मैदान प्रवेश गरेका थिए ।
नयाँ सिजनको सुरुवाती खेलमा लिभरपुलले न्युकासल युनाइटेड र नटिङ्घम फरेस्टसँग बराबरी खेलेको थियो । पहिलो जितसँगै लिभरपुलले तीन खेलबाट पाँच अंक जोड्दै तालिकाको पाँचौं स्थानमा उक्लिएको छ ।
यता, दोस्रो हार बेहोरेको इप्स्वीच टाउन तीन अंकसहित १३औं स्थानमा रहेको छ ।
