सर्लाही । यहाँको गोडैता नगरपालिकाका बाल क्लब तथा युवा क्लबका सदस्यहरूले यही भदौ १० गते रसुवा, नुवाकोट र धादिङलगायतका क्षेत्रमा आएको विनाशकारी बाढीबाट प्रभावित नागरिकको सहयोगका लागि राहत संकलन अभियान सञ्चालन गरेका छन् ।
गोडैता नगर बालक्लब संजाल र गोडैता युवा क्लब सञ्जालका सदस्यहरूले गोडैता नगरपालिकाको आफ्नै बजार क्षेत्रमा रहेका विभिन्न पसल तथा व्यवसायमा पुगेर घुम्ती रूपमा नगद रकम तथा खाद्यान्न संकलन गरेका थिए ।
युवा र बालक्लबका सदस्यहरूले आइतबार संकलन गरिएको करिब १३ हजार ७५० रुपैयाँ बाढीपीडितको राहत तथा उद्धार कार्यमा सहयोग पु¥याउने उद्देश्यले आजै प्रधानमन्त्री दैवी प्रकोप उद्धार कोषमा जम्मा गरिदिएका छन् ।
बालबालिका तथा युवाहरूले विपद्मा परेका नागरिकप्रति ऐक्यबद्धता जनाउँदै स्व स्फूर्त रूपमा अभियानमा सहभागिता जनाएका हुन् । क्लबहरूको यो पहलले विपद्का बेला स्थानीय तहका युवापुस्ता र बालबालिकाले पनि सामाजिक उत्तरदायित्व निर्वाह गर्न सक्ने सकारात्मक सन्देश दिएको छ ।
थप समाचारहरु
खानेपानी, जलस्रोत तथा सिँचाइ क्षेत्रमा दिगो र वैज्ञानिक प्रणाली अपनाउनु वर्तमान समयको आवश्यकता ः मन्त्री यादव
एमाले सचिवालय बैठक शनिबार बस्ने
हिमपातबाट अलपत्र ७५० जनाको तिलिचो वेश क्याम्पबाट उद्धार
आज राष्ट्रिय भूकम्प सुरक्षा दिवस
अविरल वर्षापछि बिपी राजमार्ग पूर्ण बन्द
मानसिक स्वास्थ्य समस्या समाधान गर्न काठमाडौं महानगरमा क्षेत्रगत अधिकारीसँग छलफल
