गरिमा चौधरीको हत्याबारे कुलमान घिसिङद्वारा दुःख व्यक्त

बारा । जीतपुर सिमराकी तीन वर्षीया बालिका गरिमा चौधरीमाथि भएको जघन्य अपराध र पारिवारिक हत्याको घटनाप्रति पूर्वमन्त्री तथा उज्यालो नेपाल पार्टीका अध्यक्ष कुलमान घिसिङले गहिरो दुःख व्यक्त गरेका छन् ।

सामाजिक सञ्जालमार्फत शोकसन्तप्त परिवारजनप्रति समवेदना व्यक्त गर्दै घिसिङले घटनाको तत्काल, निष्पक्ष र प्रभावकारी छानबिन गरी दोषीलाई कानुनी कठघरामा उभ्याएर कडा कारबाही गर्न सम्बन्धित निकायसँग जोडदार माग गरेका छन् ।

उनले बालिकामाथि भएको यस्तो जघन्य अपराध कुनै पनि सभ्य र न्यायपूर्ण समाजले स्वीकार गर्न नसक्ने भन्दै गरिमाले न्याय पाउनुपर्ने बताएका छन् ।

साथै, यस्ता निर्मम घटना दोहोरिन नदिन सुरक्षा निकायलाई अझ जवाफदेही, संवेदनशील र प्रभावकारी बनाउन तथा बालबालिकाको सुरक्षा सुनिश्चित गर्न सरकारको गम्भीर ध्यानाकर्षण गराएका छन् ।

थप समाचारहरु

पूर्वप्रधानमन्त्री हसिनाको कूटनीतिक राहदानी खारेज ‘केन्द्रीय तथ्यांक कार्यालयको सर्वेलाई आधारशिला बनाएर राष्ट्र बैंक अगाडि बढ्छ’ राष्ट्रिय वाणिज्य बैंकलाई अग्रणी बनाउने जोडमा अर्थमन्त्री पौडेलले कति सिकियो त भूकम्पले सिकाएको पाठ ‘सबै क्षेत्र र भूगोललाई समेट्ने गरी बजेट निर्माणमा लागौँ’ युवाको आचरण र अनुशासन नै देशको ठूलो चुनौती : ओली