काठमाडौं । संघीय संसद्अन्तर्गत आज चारवटा संसदीय समितिको बैठक बस्दैछ।
बिहान ९ बजे बस्ने शिक्षा, स्वास्थ्य तथा सूचना प्रविधि समितिको बैठकमा ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१’ सम्बन्धमा छलफल हुने कार्यक्रम रहेको छ।
त्यस्तै, पूर्वाधार विकास समितिको बैठक बिहान १० बजे बस्नेछ। उक्त बैठकमा राष्ट्रिय गौरवका आयोजनाको अध्ययनका लागि गठित उपसमितिले तयार पारेको प्रतिवेदनमाथि छलफल गरिनेछ।
यसैगरी, विकास, आर्थिक मामिला तथा सुशासन समितिको बैठक बिहान ११ः३० बजे बस्नेछ। बैठकमा ‘राष्ट्रिय सदाचार नीति, २०८३’ को कार्यान्वयनका विषयमा छलफल गर्ने कार्यसूची रहेको छ।
सङ्घीयता सबलीकरण तथा राष्ट्रिय सरोकार समितिको बैठकमा भने समितिको बैठक सञ्चालनसम्बन्धी कार्यविधिका विषयमा छलफल हुने संसद् सचिवालयले जनाएको छ।
थप समाचारहरु
जम्मू–कश्मीरमा ‘क्लाउड ब्रस्ट’ : मृत्यु हुनेको सङ्ख्या ४५ पुग्यो
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
क्यासिनोले इजाजतपत्र लिएर मात्र विदेशी मुद्राको कारोबार गर्न पाउने
ट्रम्पलाई भेट्न भेनेजुएलाकी विपक्षी नेता मारिया कोरिना माचाडो वाशिंगटन जाने
प्रधानमन्त्री कार्कीले लिइन् आगामी निर्वाचनबारे जानकारी
राप्रपामा महाधिवेशनको माग तीव्र, नेतृत्वमाथि प्रश्न
