काठमाडौं । बुद्धभूमि नेपाल हाइड्रो पावर कम्पनी लिमिटेडले ६४ मेगावाट क्षमताका दुई जलविद्युत आयोजनामा लगानी गर्ने भएको छ । कम्पनीले सिन्धुज्वाला हाइड्रोपावर लिमिटेडले निर्माण गर्न लागेको ४३ मेगावाट क्षमताको अपर नेश्यम जलविद्युत आयोजना र २१ मेगावाट क्षमताको अपर नेश्यम ‘ए’ जलविद्युत आयोजनामा लगानी गर्ने निर्णय गरेको हो ।
सिन्धुज्वाला हाइड्रोपावरमा ५१ प्रतिशत स्वामित्व कायम हुने गरी शेयर लगानी गर्ने निर्णय बुद्धभूमि नेपाल हाइड्रोको सञ्चालक समितिले गरेको हो । कम्पनीको साउन ५ गते बसेको सञ्चालक समिति बैठकले उक्त आयोजनामा लगानी गर्ने निर्णय गरेको जानकारी दिएको छ ।
जलविद्युत क्षेत्रमा लगानी विस्तार गर्ने रणनीतिअनुसार बुद्धभूमिले नयाँ आयोजनामा प्रवेश गर्न लागेको हो । पछिल्लो समय जलविद्युत कम्पनीहरूबीच उत्पादन क्षमता विस्तार, आयोजना पोर्टफोलियो वृद्धि तथा दीर्घकालीन आम्दानी सुनिश्चित गर्न एकअर्काका आयोजनामा रणनीतिक लगानी गर्ने प्रवृत्ति बढ्दै गएको छ ।
थप समाचारहरु
‘केन्द्रीय तथ्यांक कार्यालयको सर्वेलाई आधारशिला बनाएर राष्ट्र बैंक अगाडि बढ्छ’
राष्ट्रिय वाणिज्य बैंकलाई अग्रणी बनाउने जोडमा अर्थमन्त्री पौडेलले
छुट्टाछुट्टै ठाउँमा आगलागी हुँदा १९ लाख बढीको क्षति
राष्ट्र बैंकद्वारा ५० करोडको निक्षेप संकलनका लागि आवेदन आब्हान
‘सबै क्षेत्र र भूगोललाई समेट्ने गरी बजेट निर्माणमा लागौँ’
पोखरामा सुनचाँदी व्यवसायीको आन्दोलन जारी
