बेलायती राजाले गरे ब्रिटिस गोर्खा सैनिकको संकल्प र प्रतिबद्धताको प्रशंसा 

काठमाडौं । बेलायतका राजा चाल्र्स तृतीयले ब्रिटिस आर्मीमा कार्यरत गोर्खालीको ‘दृढ संकल्प र प्रतिबद्धता’ को प्रशंसा गरेका छन् । नवगठित ‘किङ्स गोर्खा आर्टिलरी’ इकाइको विशेष परेड अवलोकन गर्दै उनले उक्त इकाइका सैनिकहरूको सम्मान गरेका हुन् ।

राजालाई २१ तोपको सलामी दिइएको थियो । साथै, उनलाई परम्परागत ठुलो फूलको माला पहिर्याएर स्वागत गरिएको थियो ।

राजा चाल्र्सले यो कदमले ुबेलायत र नेपालबिचको दीर्घकालीन तथा अत्यन्त मूल्य वान सम्बन्धु लाई झल्काएको बताएका थिए । उनले भने, ‘आज यहाँ परेडमा तपाईँहरूलाई देख्न पाउँदा म अत्यन्त गर्व महसुस गरिरहेको छु ।’

राजा चाल्र्सले अब यस इकाई मार्फत गोर्खा सैनिकहरूले ‘बेलायती सेनाको सम्पूर्ण क्षमता र जिम्मेवारीका विविध क्षेत्रमा सेवा गर्ने अवसरु प्राप्त गरेको बताए ।

सैनिकहरूलाई सम्बोधन गर्दै उनले भने, ‘यो महत्त्वपूर्ण नयाँ अध्यायको सुरुवातमा अगाडि बढ्ने तपाईँहरूको दृढता र प्रतिबद्धताका लागि म तपाईँहरू सबैप्रति हार्दिक धन्यवाद व्यक्त गर्न चाहन्छु ।’

थप समाचारहरु

जम्मू–कश्मीरमा ‘क्लाउड ब्रस्ट’ : मृत्यु हुनेको सङ्ख्या ४५ पुग्यो शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने क्यासिनोले इजाजतपत्र लिएर मात्र विदेशी मुद्राको कारोबार गर्न पाउने ट्रम्पलाई भेट्न भेनेजुएलाकी विपक्षी नेता मारिया कोरिना माचाडो वाशिंगटन जाने प्रधानमन्त्री कार्कीले लिइन् आगामी निर्वाचनबारे जानकारी राप्रपामा महाधिवेशनको माग तीव्र, नेतृत्वमाथि प्रश्न