काठमाडौं । राष्ट्रिय स्वतन्त्र पार्टी (रास्वपा)नुवाकोटको सभापति पदका लागि राजुप्रसाद लामिछानेले उम्मेदवारी घोषणा गरेका छन् ।
यही जेठ २३ गते हुन गइरहेको प्रथम जिल्ला अधिवेशनमा बेलकोटगढी नगरपालिका वडा नम्बर ७ निवासी लामिछानेले पार्टी संगठनलाई थप मजबुत बनाउने एजेन्डासहित नेतृत्वमा दाबी गरेका हुन् ।
विगत २२ वर्षभन्दा लामो समयदेखि कपडा व्यवसायमा आवद्ध लामिछाने हाल रास्वपा नुवाकोटको जिल्ला सचिवालय सदस्यका रूपमा कार्यरत छन् । पछिल्लो केही वर्षयता पार्टीमा निरन्तर सक्रिय रहँदै आएका उनी सरल, मृदुभाषी र मिजासिलो स्वभावका कारण कार्यकर्तामाझ लोकप्रिय छन्, भने लामिछानेले संगठन विस्तारमा महत्वपूर्ण भूमिका खेल्दै आएका छन् ।
नुवाकोटमा रास्वपालाई जगैदेखि स्थापित गर्न र संगठनलाई तल्लो तहसम्म विस्तार गर्न लामिछानेले महत्वपूर्ण भूमिका खेल्दै आएका छन् । उम्मेदवारी घोषणा गर्दै उनले भने, ‘पार्टीलाई जिल्लाभरिका धेरैभन्दा धेरै जनतामाझ पु¥याउन र संगठनलाई नयाँ उचाइमा लैजान मैले सभापति पदमा उम्मेदवारी दिने निर्णय गरेको हुँ ।’
साथै, लामिछानेले आगामी जेठ २३ गते हुने प्रथम जिल्ला अधिवेशनलाई सभ्य, भव्य र सुसंस्कृत रूपमा सम्पन्न गर्नका लागि पार्टीका सम्पूर्ण नेता, कार्यकर्ता तथा शुभेच्छुकहरूलाई हार्दिक आग्रह समेत गरेका छन् ।
थप समाचारहरु
हामी निर्वाचनमा जान तयार छौं तर सरकार तयार छैन् : सन्तोष परियार
विप्लव नेतृत्वको नेकपा समाजवादी मोर्चाबाट अलग
मधेश प्रदेश सरकारमा अस्थिरता ल्याउने काममा जनमत पार्टी प्रमुख कारक हो :
जेनजी पुस्ताले उठाएको मुद्दा रास्वपाले पहिल्यै उठाएको हो : कविन्द्र वुर्लाकोटी
चितवन १२ मा रवि लामिछानेको घरदैलो कार्यक्रम
निर्वाचन आचार संहिता उल्लंघनबारे कांग्रेसले गरायो आयोगको ध्यानाकर्षण
