रुस–युक्रेन युद्ध : युक्रेनी सेनाद्वारा तेल पम्पिङ स्टेशनविरुद्ध ड्रोन आक्रमण

रुसले बिहीबार आफ्नो सेनाले २४ घण्टामा १३८ क्षेत्रहरूमा युक्रेनी लक्ष्यहरूमाथि प्रहार गरेको जनाएको छ । यता, युक्रेनी सेनाले सोही दिन रुसको नोभगोरोड क्षेत्रमा रहेको तेल पम्पिङ स्टेशन विरुद्ध ड्रोन आक्रमण गरेको दाबी गरेको छ ।
रुसी रक्षा मन्त्रालयले विगत एक दिनमा रुसी सेनाले युक्रेनी सेनाले प्रयोग गर्ने ऊर्जा र यातायात पूर्वाधार, साथै १३८ क्षेत्रहरूमा युक्रेनी सेना र विदेशी भाडाका सैनिकहरूको अस्थायी तैनाथी स्थलहरूमा आक्रमण गरेको बताएको छ ।
रुसी वायु रक्षा प्रणालीले १० वटा सटीक९निर्देशित बम र ४१८ वटा फिक्स्ड–विङ ड्रोनहरू खसालेको बताइएको छ ।
यसैबीच, युक्रेनको सशस्त्र बलको जनरल स्टाफले आफ्नो वायु सेना, मिसाइल सेना र तोपखाना एकाइहरूले धेरै उपकरण भेला क्षेत्रहरू र रूसी सेनाको कमाण्ड पोस्टहरूमा आक्रमण गरेको र १,९४१ ड्रोनहरू खसालेको बताएको छ ।
युक्रेनी सञ्चार माध्यमहरूले बिहीबार युक्रेनको सुरक्षा सेवाको एक स्रोतलाई उद्धृत गर्दै युक्रेनी ड्रोनहरूले रूसको निज्नी नोभगोरोड क्षेत्रको गोर्की तेल पम्पिङ स्टेशनमा आक्रमण गरेपछि आगलागी भएको थियो।

थप समाचारहरु

एनसीसी अमेरिकाको सहमति कार्यान्वयन गराउन आरसी पराजुलीले गरे अपिल कश्मीरमा भारतीय सुरक्षा बल र आतंककारीबीच मुठभेड जम्मू–कश्मीरमा ‘क्लाउड ब्रस्ट’ : मृत्यु हुनेको सङ्ख्या ४५ पुग्यो ठगीबाट सचेत रहन बेलायतस्थित नेपाली दूतावासको आग्रह ट्रम्पलाई भेट्न भेनेजुएलाकी विपक्षी नेता मारिया कोरिना माचाडो वाशिंगटन जाने तेहरानमा दुई चरणको हवाई आक्रमण, केही स्थानमा ब्ल्याकआउट