काठमाडौं । हरेक वर्ष अप्रिल महिनाको अन्तिम साता मनाइने विश्व खोप सप्ताह यस वर्ष पनि विभिन्न जनचेतनामूलक कार्यक्रम गरि मनाइँदैछ ।
यस वर्ष विश्व खोप सप्ताह अप्रिल २४ देखि ३० सम्म विश्वभर विभिन्न जनचेतनामूलक कार्यक्रम साथ मनाउन लागेको हो ।
यस वर्षको नारा ‘फर एभ्री जेनेरेशन भ्याक्सिन वर्क’ रहेको छ, जसले खोप हरेक पुस्ताका लागि प्रभावकारी र जीवनरक्षक भएको सन्देश प्रवाह गरेको छ । खोपको माध्यमबाट बालबालिकादेखि वृद्धसम्म सबै उमेर समूहलाई रोगबाट सुरक्षित राख्न सकिन्छ ।
खोपले रोक्न सकिने रोगहरूबाट समूदायलाई सुरक्षित राख्दै सार्वजनिक स्वास्थ्य सुदृढ बनाउन महत्वपूर्ण भूमिका खेल्दै आएको छ । समयमै खोप लगाउँदा व्यक्ति मात्र होइन, परिवार र समाजसमेत सुरक्षित हुने बताइन्छ ।
यसै सन्दर्भमा विश्व स्वास्थ्य संगठन (डब्लुएचओ) र विभिन्न स्वास्थ्य साझेदार संस्थाहरूले खोप प्रवद्र्धन तथा जनचेतना अभिवृद्धिका कार्यक्रमहरू सञ्चालन गरिरहेका छन्।
साथै, यस वर्ष खोप समुदायले विश्व स्वास्थ्य संगठनको खोप प्रवद्र्धनको ५२ औं वार्षिकोत्सवलाई पनि विशेष रूपमा स्मरण गर्ने जनाएको छ ।
विश्व खोप सप्ताहको मुख्य उद्देश्य खोपबाट रोक्न सकिने रोगहरूबारे जनचेतना फैलाउँदै अधिकभन्दा अधिक मानिसलाई खोप सेवामा पहुँच सुनिश्चित गर्नु रहेको छ।
स्वास्थ्यकर्मीहरूले ‘खोप लगाऔं, हरेक पुस्तालाई सुरक्षित बनाऔं’ भन्ने सन्देशसहित समयमै खोप लगाउन सबैलाई आग्रह गरेका छन् ।
थप समाचारहरु
भिजिट भिसाबारे धेरै चिन्ता गर्नु पर्दैन : श्याम घिमिरे
प्रधानमन्त्रीको चीन भ्रमणले अन्तर्राष्ट्रिय जगतमा नेपालको प्रतिष्ठालाई थप अभिवृद्धि गरेको छ’
जेनजी पुस्ताले उठाएको मुद्दा रास्वपाले पहिल्यै उठाएको हो : कविन्द्र वुर्लाकोटी
गुणस्तरीय तथ्याङ्कका लागि मुख्य प्रशिक्षक प्रशिक्षण
चितवन १२ मा रवि लामिछानेको घरदैलो कार्यक्रम
भक्तपुर २ मा राजीव खत्रीको घरदैलो, जनताले मत परिर्वतन गर्न चाहेको दाबी
