११ माघ, काठमाडौं । राष्ट्रिय सभा निर्वाचन अन्तर्गत मतदानको समय सकिएको छ। बिहान ९ बजेदेखि अपराह्न ३ बजेसम्म मतदानको समय तोकिएको थियो।
सो अवधिमा प्रदेश सभाका सदस्य र स्थानीय सरकार प्रमुख/ उपप्रमुखहरूले मतदान गरेका छन्।तर, स्थानीय निर्वाचनमा स्वतन्त्र उम्मेदवारी दिएर निर्वाचित भएका जनप्रतिनिधिहरू बालेन शाह, हर्क साम्पाङ र गोपाल हमालले भने भोट दिएनन्।
काठमाडौं महानगरपालिकाका मेयर बागमतीका मतदाता हुन्। उपमेयर सुनिता डंगोल मतदान गर्न हेटौंडा गए पनि मेयर बालेन शाह भने गएनन्।
उनी कार्यव्यस्तताका कारण मतदान गर्न नगएको बालेनको सचिवालयले जानकारी दिएको छ ।
धरान उपमहानगरपालिकाका मेयर हर्क साम्पाङ पनि मतदान गर्न गएनन्। धनगढी उपमहानगरपालिकाका मेयर गोपाल हमाल पनि कार्यव्यस्तताका कारण मतदानमा सहभागी नभएको उनको सचिवालयले जनाएको छ।
थप समाचारहरु
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
नेपाल विश्वविद्यालयको कुलपतिमा डा.लोहनी चयन
एकीकृत समाजवादीः गण्डकी प्रदेशको अधिवेशन पोखरामा
प्रतिनिधिसभाको बैठकमा प्रतिपक्षीको विरोध
भूकम्पको शिर्षकमा बजेट छुट्याउन माओवादीको आग्रह
रवीन्द्र मिश्रलाई हाजिरी जमानीमा छोड्न सर्वोच्चको आदेश
