निर्वाचन आचार संहिताको पालना गर्ने उम्मेदवारको प्रतिबद्धता

म्याग्दी बेनी, १७ माघ : आसन्न प्रतिनिधिसभा सदस्य निर्वाचनमा म्याग्दीका उम्मेदवारहरुले निर्वाचन आचार संहिताको पालना गर्ने र जिल्लाको समग्र विकासमा सबै दलहरुबीच एकताबद्ध भएर लाग्ने प्रतिबद्धता जनाएका छन् ।

म्याग्दी जेसीजद्वारा शुक्रवार बेनीमा आयोजित प्रतिनिधि सभा सदस्य उम्मेदवारहरुसंग पत्यक्ष संवाद कार्यक्रममा विभिन्न राजनीतिक दलबाट उम्मेदवारका प्रत्यासिले यस्तो प्रतिबद्धता जनाएका हुन् ।

कार्यक्रममा नेपाली कांग्रेसका उम्मेदवार कर्णबहादुर भण्डारीले म्याग्दीको विकाससंगै शिक्षा, स्वास्थ्य र रोजगारीलाई मुख्यएजेण्डा बनाएर आफु चुनाबमाहोमिएको बताए । उनले मुलुकमा बदलिँदो अवस्था अनुरुप काँग्रेस बदलिएको जनाउँदै मुलुकबदल्ने अभियानको नेतृत्व पनि काँग्रेसले गर्ने बताए । उनले भने, ‘हामीविकास, समृद्धि र सुशासनलाई एकैसाथ अघि बढाउन चाहन्छौँ, पार्टीभित्रको समस्याहल गरेर हामी मुलुकको समस्या समाधानमा केन्द्रित भएका छौँ, आगामी संसदमा नीति निर्माण गर्ने कार्यमा सक्रियतापूर्वक लाग्न र जिल्लाको विकासलाई थप गति दिन हामीलाई जनताले मतदानगर्ने अपेक्षा गरेका छौँ ।

कार्यक्रममा नेकपा एमाले म्याग्दीबाट उम्मेदवार हरिकृष्ण श्रेष्ठले म्याग्दीको विकासका सवालहरुलाई चुनाबी घोषणापत्रमा समेटेर अघि बढ्न विज्ञ सहितको टिमबाट चुनाबी घोषणा पत्रतयारी गरेको बताए । उनले कानुननिर्माण, सरकार गठन र बजेट तथाकार्यक्रमनिर्माणको क्षेत्रमाआफुले सक्रियभुमिका खेल्ने प्रतिबद्धता जनाउँदै जिल्लाको कृषि, शिक्षा, सडक, पूर्वाधार लगायतको क्षेत्रमाआबश्यक सुधारको लागिमुख्यएजेण्डा तय गरेको बताए ।

कार्यक्रममा, नेकपा माओवादीका क्षेत्रबहादुर घिमिरेले जिल्लामा एकीकृत गुरुयोजना बनाएर विकास निर्माण गर्न, शिक्षा, स्वास्थ्यउपचार लगायतलाई राज्यको मातहत राख्र्दै भष्ट्राचार निवारण र सुशासनका लागि आफुलाई मतदानगर्न आह्वानगरेका छन् ।
कार्यक्रममा राष्ट्रिय स्वतन्त्र पार्टी रास्वपा का उम्मेदवार युवराज रोका, राष्ट्रिय प्रजातन्त्र पार्टी राप्रपा का उम्मेदवार डम्मरबहादुर सुवेदी, प्रगतिशिल लोकतान्त्रिक पार्टीका देवेन्द्र कामी, श्रम संस्कृति पार्टीका विनोद राना, राष्ट्रिय जनमोर्चाका छेमबहादुर विश्वकर्माले समेत जिल्लाको पूर्वाधार निर्माण, सुशासन र मुलुकको आबश्यकताअनुसारको काननु निर्माणका लागि संसदमाप्रभाबकारी भूमिका खेल्न आफुहरु उम्मेदवार बनेर आएकोमाजोड दिएका थिए ।

कार्यक्रममा उम्मेदवारहरुले सहभागीहरुले उठाएका प्रश्न र जिज्ञासाहरुको उत्तर दिनुभएको थियो । म्याग्दी जेसीजका शाखाअध्यक्ष दिनेशकुमार विश्वकर्माले उम्मेदवारहरुबिच मैत्रिपूर्ण प्रतिस्पर्धाको वातावरण सिर्जना, निर्वाृचन आचार संहिताको पालना, जनताका प्रश्न प्रति उत्तरदायी बनाउँदै जिल्ला र मुलुकको विकास र समृद्धिमा उम्मेदवारहरुका प्रतिबद्धता खोज्न कार्यक्रमले रचनात्मक भूमिका खेल्ने बताए ।

म्याग्दीमा एक जना स्वतन्त्र र १२ जना राजनीतिक दलको उमेदवारी कायम रहेको छ । निर्वाचनका लागि एक निर्वाचन क्षेत्र र छ स्थानीयतह रहेको जिल्लामा ८६ हजार तीन सय ९७ जनामतदाता छन् । बयासी मतदान स्थल र एक सय २० वटा मतदान केन्द्र कायम छन् ।

थप समाचारहरु

मुलुकलाई पार लगाउन संयम, संवाद र एकताको बाटो नै एकमात्र विकल्प : मुख्यमन्त्री पाण्डे एमालेको महाधिवेशनलाई एकताको महाधिवेशन बनाउनुपर्छ: उपाध्यक्ष थापा राष्ट्रियसभाको निर्वाचनका लागि निर्वाचन अधिकृतको कार्यालय स्थापना न्यायालय जले पनि न्याय जलेको छैनः प्रधानन्यायाधीश राउत शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने विशेष महाधिवेशनले एकताको सन्देश दिनेछ