काठमाडौं । लेर्डल ग्लोबल हेल्थले नेपाल सरकारलाई आपतकालीन हेरचाह लर्निङ ल्याब किट हस्तान्तरण गरेको छ । नेपालको स्वास्थ्य सेवा समृद्ध बनाउने उद्येश्यले लेडर ग्लोबल हेल्थले बुधबार एक विशेष कार्यक्रमको आयोजना गर्दै सरकारलाई उक्त किट हस्तान्तरण गरेको हो ।
सोही क्रममा स्वास्थ्य तथा जनसंख्या मन्त्री सुधा गौतमले अहिलेको अवस्था कमजोर भएको हुनाले हालका लागि सबै प्रकारका साथ र सहयोगलाई स्वागत गर्न तयार रहेको भन्दै आजको सहयोग क्षमता विकासको लागि प्रभावकारी हुने बताईन् ।
उनले भनिन्, ‘हाम्रो टिमले काठमाडौं उपत्यका र उपत्यका बाहिर पनि प्रदेश सरकार स्थानीय सरकारहरू मार्फत विभिन्न प्रकारका प्रकोपहरू रोक्न र प्रतिक्रिया दिन आफ्नो सर्वोत्तम प्रयास गरिरहेका छन् । तालिम सम्पूर्ण प्रतिक्रियाको एक घटक हो । अझै धेरै कामहरु गर्न बाँकी छ । अहिलेको हाम्रो अवस्था अलि कमजोर भएको हुनाले अहिलेको लागि सबै साथ र सहयोगलाई हामी स्वागत गर्न चहान्छौ । त्यसकारण आजको यो सहयोग हाम्रो क्षमता विकासको लागि प्रभावकारी हुनेछ ।’
यस्तै, उनले सकेसम्म धेरै साझेदारहरूसम्म पुग्ने प्रयास गर्नुपर्ने भन्दै यसबाट लक्ष्यहरू प्राप्त गर्न मद्दत पुग्ने बताईन् ।
थप समाचारहरु
संयुक्त राष्ट्रसङ्घीय आयोगमा स्वास्थ्यमन्त्रीको सम्बोधन
सबै सरकारी अस्पताललाई एउटै अनलाइन सेवामा आबद्ध गरिने
औषधी लिमिटेडका औषधी सरकारी स्वास्थ्य संस्थामा बिक्री गर्न स्वास्थ्य मन्त्री पौडेलको पहल
‘वैदेशिक विकास सहायता कटौतीले नेपालको मातृशिशु स्वास्थ्यमा समस्या’
रगतमा पाइने ब्याक्टेरियाबाट एन्टि–एजिङ यौगिकको खोज, छाला उपचारमा नयाँ सम्भावना
भरतपुर आँखा अस्पताललाई पाकिस्तानको सहयोग
