काठमाडौँ । मानवसेवा आश्रमले पुस चाैथाे सातामा ४३ जनाको बेवारिसे व्यक्तिहरूकाे उद्धार गरेको छ। उद्धार गरिएकामा ३१ जना पुरुष र १२ जना महिला रहेका छन्।
आश्रमका देशभर सञ्चालनमा रहेका शाखाहरूले उद्धार गरिएका व्यक्तिहरूलाई सम्मानजनक जीवनयापनका लागि सुरक्षित वातावरण उपलब्ध गराएका छन्। त्यस्तै, विभिन्न समयमा उद्धार भई आश्रममा स्वास्थ्य लाभ गरिरहेका र पारिवारिक पृष्ठभूमि पत्ता लागेका १३ जनाको पारिवारिक पुनर्मिलन सम्पन्न भएकाे छ। आश्रमले आवश्यक प्रक्रिया पूरा गरी १४ जना आश्रितहरूलाई परिवारको जिम्मा लगाएकाे छ ।
मानवसेवा आश्रमले आफ्ना लागि आफैँ केही गर्न नसक्ने अवस्थामा रहेका व्यक्तिहरूको सारथी बनेर देशका २१ जिल्लामा २९ वटा शाखा विस्तार गरी, उद्धार, उपचार, पालनपोषण र पारिवारिक जिम्मेवारी पूरा गर्दै सेवा प्रवाह गरिरहेको छ। आश्रमले २०८२ भित्रै मुलुकलाई सहयोगापेक्षी सडकआश्रित मानव मुक्त राष्ट्र नेपाल घाेषणा गर्न अभियान सञ्चालन गरिरहेकाे छ ।
थप समाचारहरु
इ–नेवल नेपालद्वारा अमेरिकन प्रविधिबाट निर्मित कृतिम हात निःशुल्क वितरण
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
नेपाल र भारतबीच अन्तरदेशीय प्रसारण लाइन निर्माणको ‘मोडालिटी’मा सहमति
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
मन्त्री पाण्डेले गरे पशुपतिनाथको अनुगमन, दर्शनलाई व्यवस्थित बनाउन निर्देशन
एमालेको नयाँ नेतृत्व चयनका लागि आज मतदान हुँदै
