झापा। मेचीनगर नगरपालिका–४, बाहुनडाँगीमा रहेकाे मानवसेवा आश्रम झापा शाखामा आश्रित आमाबुवाहरूका लागि लत्ताकपडा तथा खाद्यान्न सामग्री सहयोग प्राप्त भएकाे छ ।
स्वर्गीय गंगाराम कार्कीको आत्माको चीरशान्ति तथा बैकुण्ठ बासको कामना गर्दै कार्की परिवारका सदस्यहरूले उक्त सहयोग अर्पण गर्नुभएको हो। यस सहयोगले आश्रममा आश्रित आमाबुवाहरूको दैनिक जीवनयापन सहज बनाउन मद्दत पुगेकाे छ ।
झापा शाखामा हाल विभिन्न परिस्थितिका कारण सडक जीवन बिताउन बाध्य भएका तथा पारिवारिक साथबाट वञ्चित ७२ आमाबुवाहरू आश्रित रहनुभएको छ। उहाँहरूको संरक्षण, पालन–पोषण, स्वास्थ्य उपचार तथा सम्मानजनक जीवन सुनिश्चित गर्न आश्रमले निरन्तर सेवा प्रदान गर्दै आइरहेको छ।
यस मानवीय सेवाका लागि मनिषा कार्की, रामबहादुर कार्की, अनिता कार्की, विशाल कार्की तथा सम्पूर्ण कार्की परिवारप्रति आश्रमले आभार व्यक्त गर्दै पुण्य कार्यले समाजमा करुणा, मानवता र आपसी सहयोगको भावना अझ मजबुत बनाउने विश्वास व्यक्त गरेको छ।
मानवसेवा आश्रम सरकारकाे आंशिक सहयोग तथा देश तथा विदेशमा रहनुभएका मनकारी दाताहरूको साथ सद्भावबाट सडकमानवहरूको उद्धार, उपचार, संरक्षण र पालनपोषण गर्दै आइरहेको छ।
थप समाचारहरु
श्रमदानद्वारा सडक मर्मत गर्दै भोजपुरका सिके्रटारबासी
विदेशबाट फर्केर पशुपालनसँगै मौरीपालनमा रमाइरहेका मनराज
सरकार निजी क्षेत्रसँग सहकार्य गर्न तयार छः मुख्यमन्त्री कार्की
‘लोकसेवा आयोगले निष्पक्ष एवं पारदर्शी ढङ्गले काम गरिरहेको छ’
१० करोडको कोशी पर्यटन वर्ष, उद्घाटन मै गएनन् प्रधानमन्त्री
नेपाली सेनाले आयोजना गरेको स्वास्थ्य शिविरमा एक सय ५८ जना लाभान्वित
