आश्रमद्वारा ९ दिन सडकपेटीमा संघर्षरत वृद्धको उद्धार

काठमाडौँ ।  मानवसेवा आश्रम रानीवन शाखाले सोमबार एक जना बेवारिसे पुरुषको उद्धार गरेको छ। बसुन्धरा चोक क्षेत्रमा सडकपेटीमा अलपत्र अवस्थामा फेला परेका ७० वर्षीय अर्जुन श्रेष्ठलाई ग्रीनसिटी अस्पतालको पहलमा आश्रमले उद्धार गरेकाे हो।

रामेछाप घर बताउने अर्जुन श्रेष्ठको हालसम्म पूरा पारिवारिक पृष्ठभूमि खुल्न सकेको छैन। उनी करिब ९ दिनदेखि चिसो सडकपेटीमा जीवन–मृत्युसँग संघर्ष गरिरहेका थिए। उद्धारको समयमा उनी शारीरिक तथा मानसिक रूपमा अत्यन्त कमजोर अवस्थामा रहेको आश्रमले जनाएको छ।

उद्धारपश्चात मानवसेवा आश्रमले ग्रीनसिटी अस्पतालसँगको सहकार्यमा उनको उपचार सुरु गरेको छ। आश्रमका अनुसार, उनी पूर्ण रूपमा स्वस्थ भएपछि पारिवारिक पुनर्मिलनका लागि प्रक्रिया अगाडि बढाइने छ। यसैबीच, आश्रमले श्रेष्ठको पारिवारिक खोजी कार्यमा सहयोग गरिदिन सम्पूर्णमा आग्रह गरेको छ।

थप समाचारहरु

भरतपुरका सबै वडामा ‘सिसी क्यामेरा’ हल बन्द हुनुमा राज्यको अव्यवहारिक कर र व्यवसायीलाई बेवास्ता गर्नु प्रमुख कारण हो । केपी ओली रहँदासम्म बाम एकता सम्भव छैन : प्रचण्ड शुक्रबारको लागि विदेशी मुद्राको विनिमय दर कति ? नेपाल–भारत सीमामा कडाइ, ममता बनर्जीले जनाइन प्रतिक्रिया बुद्ध एयरको जहाजमा चरा ठोक्कियो