काठमाडौँ । मानवसेवा आश्रमले सहयोगापेक्षी व्यक्तिहरूको उद्धार, पहिचान तथा आवश्यक सेवालाई थप प्रभावकारी बनाउने उद्देश्यसहित स्क्रिनिङ सेन्टर सञ्चालनमा ल्याएको छ। नागार्जुन नगरपालिका–१ मा रहेको उक्त सेन्टरको आज ११ः३८ बजे विधिवत् रूपमा पूजा सम्पन्न गरी उद्घाटन गरिएको हो।
संघीय सचिवालय निर्माण शाखाबाट निर्माण गरिएको उक्त भवन नागार्जुन नगरपालिकाले मानवसेवा आश्रमलाई निःशुल्क रूपमा उपलब्ध गराएको हो। आश्रमले यस भवनलाई स्क्रिनिङ सेन्टरका रूपमा विकास गरी नियमित रूपमा १०० जनालाई सेवा प्रदान गर्ने लक्ष्य राखिएको छ।
उद्धार गरिएका सहयोगापेक्षी व्यक्तिहरूको स्क्रिनिङ सेन्टर मार्फत प्रारम्भिक अवस्था पहिचान गरिने, पारिवारिक पृष्ठभूमि पत्ता लागेकालाई परिवारसँग पुनर्मिलन गराइने, उपचार आवश्यक परेकालाई स्वास्थ्य सेवा उपलब्ध गराइने तथा दीर्घकालीन संरक्षण आवश्यक देखिएका व्यक्तिहरूलाई सेवा प्रदान गरिने आश्रमले जनाएको छ।
मानवसेवा आश्रमले उक्त स्क्रिनिङ सेन्टरलाई सहयोगापेक्षी नागरिकहरूको जीवन रक्षा, पुनर्स्थापना र सम्मानित जीवनतर्फको यात्रामा महत्वपूर्ण केन्द्रका रूपमा विकास गर्ने लक्ष्य लिएको जनाएको छ।
थप समाचारहरु
एक अर्बको लगानीमा चिस्यान केन्द्र निर्माण गरिँदै
परिणाममुखी काम गर्न गृहमन्त्री लेखकको निर्देशन
समितिले निर्देशन दिए राष्ट्रिय खेलकुद प्रतियोगिताको काम तुरुन्तै अघि बढाइने
सरकारले थप ५ लाख नागरिकलाई जग्गाको लालपूर्जा वितरण गर्ने
झापा इनर्जी लिमिटेडको आईपीओ आजदेखि निष्कासनमा
ओलीसहित ५ जनाको विदेश भ्रमण रोक लगाउन सम्बन्धित निकायमा सिफारिस गर्ने जाँचबुझ आयोगको निर्णय
