काठमाडौँ, १६ मङ्सिरः नेपाल कम्युनिष्ट पार्टी एमाले को आसन्न ११औँ राष्ट्रिय महाधिवेशनमा विदेशका राजनीतिक दलका प्रतिनिधिहरु सहभागी नहुने भएका छन् ।
छोटो समयमा नै महाधिवेशन गर्नुपरेकाले यसपटक विदेशका मैत्री तथा भाइचारा सम्बन्ध भएका राजनीतिक दललाई नबोलाउने निर्णय भएको एमाले उपमहासचिव प्रदीप ज्ञवालीले जानकारी दिए ।
महाधिवेशनको समय छोटो समयमा नै तोक्यौँ । समय कम भएकाले उनीहरुलाई नबोलाउने निर्णय गरेका हौँ, उनले भने, महाधिवेशनको उद्घाटन सत्रमा शुभकामना सन्देशमा भने आउने छ ।
यसअघि एमालेले चीन, भारत, भियतनाम लगायत मैत्री तथा भाइचारा सम्बन्ध भएका करिब ५० राजनीतिक दललाई महाधिवेशनको उद्घाटन सत्रमा अतिथिका रुपमा बोलाउने गरेको थियो । एमाले महाधिवेशन यही मङ्सिर २७ देखि २९ गतेसम्म काठमाडौँमा हुँदैछ ।
थप समाचारहरु
एमाले सचिवालय बैठक शनिबार बस्ने
एकीकृत समाजवादीको केन्द्रीय कमिटी बैठक बस्दै
पार्टी विभाजनको औचित्य पुष्टि भएको छ : अध्यक्ष नेपाल
दलगत स्वार्थ र व्यवस्थापकीय कमजोरीको नमूना : शान्ति वनस्पति घ्यू उद्योग
वार्ता र संवादबाट समस्या समाधान गर्नुपर्नेः मुख्यमन्त्री कार्की
एमालेमा छ लाख ६० हजार सदस्यबाट प्रतिनिधि चयन हुने
