काठमाडौँ, ७ मङ्सिरः ग्रामीण आदर्श क्याम्पस नेपालटारलाई पत्रकारितासम्बन्धी पुस्तक हस्तान्तरण गरिएको छ ।
मिडिया प्वाइन्ट र राष्ट्रिय विकास सञ्चार केन्द्रमार्फत सङ्कलन गरिएका पत्रकारिता सम्बन्धी पुराना तथा नयाँ पुस्तक आज हस्तान्तरण गरिएको हो ।
उक्त पुस्तक मिडिया प्वाइन्टका संस्थापक एवं राष्ट्रिय समाचार समिति का पूर्वमहाप्रवन्धक एवं वरिष्ठ पत्रकार श्रीरामसिंह बस्नेतले क्याम्पस प्रमुख राजेन्द्रध्वज थापालाई हस्तान्तरण गरे । हस्तान्तरण गरिएका पुस्तकमा हिन्दी, नेपाली र अङ्ग्रेजी भाषाका ५८० पुस्तक रहेका छन् ।
पुस्तक हस्तान्तरण कार्यक्रममा वरिष्ठ पत्रकार बस्नेतले पत्रकारिताका पुस्तक क्याम्पसमा अध्ययनरत विद्यार्थीका लागि लाभदायी हुने भएकाले आफूले हस्तान्तरण गरेको बताए। उनले पुस्तक कहिल्यै पुरानो नहुने भएकाले कतिपय पुराना पुस्तक अब पाउन पनि गाह्रो रहेको उल्लेख गरे ।
क्याम्पस पमुख थापाले पुस्तक सहयोग गरेर विद्यार्थीको शैक्षिक विकासमा सहयोग गरेको भन्दै मिडिया प्वाईन्टलाई धन्यवाद दिए । तारकेश्वर नगरपालिका वडा नं ११ नेपालटारमा सञ्चालित उक्त क्याम्पसमा तीन हजार २०० भन्दा बढी विद्यार्थी अध्ययनरत छन् ।
थप समाचारहरु
सुरक्षित कारोबार विधेयकमा रहेको ‘सामान्य’ शब्द हटाउन माग
‘अहिले हाम्रो सरदर आयु ७२ वर्ष किन पुगेको छ हामीले बालमृत्यु दर घटाइदियौँ
राष्ट्रपति पौडेलसँग राष्ट्रिय फोटो पत्रकार समूहको भेट
यस्तो छ, आजको विदेशी मुद्राको विनिमयदर
खाद्य सुरक्षाका लागि मलखादमा ६६ प्रतिशतसम्म अनुदान : मन्त्री अधिकारी
एमाले सचिवालय बैठक शनिबार बस्ने
