१७ पुस, काठमाडौं । विद्यार्थी संगठनहरुले शैक्षिक वातावरण बिगारेको भन्दै नेपाल खुला विश्वविद्यालयकी उपकुलपति प्रा.डा.शिलु बज्राचार्यलाई कार्यालय प्रवेशमा रोक लगाएका छन् ।
अनेरास्ववियु, नेपाल समाजवादी विद्यार्थी (बाबुराम भट्टराई निकट), अखिल क्रान्तिकारी, समाजवादी संयुक्त विद्यार्थी संघर्ष समितिले विज्ञप्ति जारी गर्दै उपकुलपतिलाई प्रवेश निषेध गर्नुको साथै राजीनामाको माग गरेका छन् ।
उपकूलपतिको कार्यशैलीका कारण विश्वविद्यालय दिन प्रतिदिन बदनाम हुँदै गइरहेको, विश्वविद्यालयको प्राज्ञिक मर्यादा विपरीत आर्थिक लेनदेनको आधारमा नियुक्ति, खरिद बिक्री गरेको, परीक्षा तथा गोप्य काममा आफ्नो परिवारको सदस्य प्रयोग गरेको लगायतको आरोप लगाइएको छ ।
विश्वविद्यालयको शिक्षक कर्मचारीलाई आंतक सिर्जना गरी विश्वविद्यालयको शैक्षिक वातावरण बिगारेको आरोप लगाउँदै विश्वविद्यालयको सार्वजनिक सम्पति गाडी, सेवासुविधा प्रयोग गर्न निषेध गरेको उनीहरुले विज्ञप्तिमा उल्लेख गरेका छन् ।
थप समाचारहरु
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
आगलागीमा परी १० लाख बढीको क्षति
प्रहरी कुट्ने चार युवा पक्राउ
पाँचवटा संसदीय समितिको बैठक बस्दै, यस्ता छन् कार्यसूची
आर्थिक सुधारलाई उच्च महत्व : अर्थमन्त्री पौडेल
मौसम पूर्वानुमान : चार प्रदेशमा अत्यधिक वर्षा हुने सम्भावना
