काठमाडौँ, २८ कात्तिकः काठमाडौँ महानगरपालिकाले साझेदारसँगको सहकार्यमा १० दिनमा एक हजार १२० वटा सामुदायिक कुकुरको बन्ध्याकरण गरेको छ ।
पशुकल्याणका लागि काम गर्ने सङ्घसंस्थासँगको सहकार्यमा यही कात्तिक १४ गतेदेखि सबै वडामा बन्ध्याकरण सुरु गरिएको महानगरपालिकाले जनाएको छ । बन्ध्याकरण गरिएका कुकुर र बिरालोलाई रेविजविरुद्धको खोप पनि दिने गरिएको महानगरपालिकाका पशुचिकित्सक डा पूजा खनालले जानकारी दिए । गत वर्ष ६७० वटाको बन्ध्याकरण गरिएको थियो भने १६ हजार ५६९ वटालाई रेविजविरुद्धको खोप दिइएको थियो ।
त्यसैगरी आर्थिक वर्ष २०८०र०८१ मा पाँच हजार पाँच सय कुकुर र बिरालाको बन्ध्याकरण तथा १६ हजार जनावरलाई रेविजविरुद्धको खोप दिइएको थियो । महानगरपालिकाले २०७९र०८० देखि सामुदायिक कुकुर बिरालोलाई रेविजविरुद्ध खोप र बन्ध्याकरण कार्यक्रम सञ्चालन गरिरहेको छ ।
आगामी पुसअघिसम्म करिब चार हजार कुकुरको बन्ध्याकरण गर्ने योजना रहेको महानगरपालिकाले जनाएको छ । थप बजेटको व्यवस्था हुनसके थप चार हजारको बन्ध्याकरण गर्ने योजना रहेको महानगरपालिकाको कृषि तथा पशुपन्छी विभागले जनाएको छ ।
थप समाचारहरु
सिन्धुपाल्चोक केन्द्रविन्दु भएर ६.१ रेक्टर स्केलको भूकम्प
सभापति देउवाद्वारा ग्याल्पो ल्होसारको शुभकामना सन्देश
राष्ट्रियसभाबाट पाँचवटै प्रतिस्थापन विधेयक बहुमतले पारित
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड
प्रतिनिधिसभा बैठक बस्दै, नीति, कार्यक्रममाथि छलफल जारी रहने
