काठमाडौं । माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले ओमानमा जारी टी–२० विश्वकप एसिया–इएपी छनोटमा उत्कृष्ट प्रदर्शन गर्दै लगातार दोस्रो पटक टी–२० विश्वकपमा स्थान सुरक्षित गरेको नेपाली राष्ट्रिय क्रिकेट टोलीलाई बधाई दिएका छन् ।
दाहालले जारी गरेको सन्देशमा भनेका छन्, ‘देशमा राजनीतिक जटिलता र असहज वातावरण रहेको समयमा धैर्य, संयमता र अनुशासनका साथ देखाइएको असाधारण प्रदर्शन साँच्चै प्रशंसनीय उपलब्धि हो ।’
उनले नेपाली राष्ट्रिय टोली, प्रशिक्षक मण्डल, नेपाल क्रिकेट संघ (क्यान) र सम्पूर्ण खेल परिवारलाई बधाई दिँदै आगामी विश्वकप प्रतियोगिताका लागि सफलता कामना गरेका छन् ।
सन्देशमा दाहालले आफ्नो नेतृत्वमा रहँदा खेलकुद क्षेत्रमा गरिएको पहललाई स्मरण गर्दै त्यसलाई अझ सशक्त र सघन रूपमा अगाडि बढाउन पनि सरकार र सरोकारवाला निकायलाई आग्रह गरेका छन् ।
उनले क्रिकेटको विकास, स्टेडियम निर्माण तथा खेलाडीहरूको प्रोत्साहनका कार्यक्रमहरूलाई प्राथमिकतामा राख्नुपर्नेमा जोड दिएका छन् ।
थप समाचारहरु
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
ओलीको स्वास्थ्यमा समस्या देखिएपछि बैठक स्थगित
मन्त्री कुलमान घिसिङ र कोरियाका राजदूतबीच भेटवार्ता
गैरराजनीतिक संस्थामा राजनीतिक प्रभाव बढ्नुमा एनआरएनएहरु स्वयम दोषी छन्
राजनीतिक अस्थिरता र षड्यन्त्रका विरुद्ध पार्टी एकजुट हुनुपर्छः शंकर पोखरेल
प्रभु साहले दिए वर्तमान व्यवस्थालाई दलतन्त्रको ओढारको संज्ञा
