काठमाडौं । सभामुख देवराज घिमिरेको आह्वानमा संसद् विघटनबारे विचार लिन सर्वदलीय बैठक सिंहदरवारस्थित सभामुखको कार्यकक्षमा सुरु भएको छ। बैठकमा प्रतिनिधि सभामा रहेका सबै दलको धारणा संकलन गर्ने प्रक्रिया जारी छ।
सभामुख घिमिरेले संसद् पुनर्स्थापनाको माग लिएर अदालत जानुपर्छ कि जानु पर्दैन भन्ने विषयमा दलहरूको राय बुझाउन बैठक आयोजना गरेका हुन्। विघटित प्रतिनिधि सभामा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी रहेका छन्।
यसका साथै जनता समाजवादी पार्टी नेपाल, जनता समाजवादी पार्टी, लोकतान्त्रिक समाजवादी पार्टी, नागरिक उन्मुक्ति पार्टी, जनमत पार्टी पनि सहभागी छन्। रास्वपा भने छलफलमा अनुपस्थित रहेको छ।
दलहरूको धारणा संकलन पछि सभामुख पूर्वमहान्याधिवक्ताहरू, नेपाल बार र सर्वोच्च बारका पदाधिकारीसँग छुट्टाछुट्टै छलफल गर्ने तयारीमा छन्। प्रतिनिधि सभा विघटन विरुद्ध अदालत जाने वा नजाने सम्बन्धमा सरोकारवालाहरूबाट दुवै खाले सुझाव प्राप्त भएको छ।
सभामुखले दल, पूर्वमहान्याधिवक्ता र बारका पदाधिकारीको राय लिएर अन्तिम निर्णय लिने प्रक्रिया अघि बढाइरहेका छन्।
थप समाचारहरु
बहुविवाहलाई कानुनी मान्यता दिने प्रयास अस्वीकार्य : श्रेष्ठ
नयाँ बन्ने सरकारले तत्काल कानुन बनाएर शक्तिशाली आयोग बनाउनुपर्छ : गगन थापा
संविधानमाथि आक्रमण भइरहेको छ : अध्यक्ष ओली
यातायात र सडक व्यवस्थापनका लागि टोली बनाएर खट्छौं : कुलमान घिसिङ
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
ओलीको स्वास्थ्यमा समस्या देखिएपछि बैठक स्थगित
