काठमाडौं । जेनजी आन्दोलनपछिको अस्थिरताले नेपालमा बाल संरक्षणको क्षेत्रमा गम्भीर असर पारेको भन्दै बालबालिका शान्तिक्षेत्र राष्ट्रिय अभियान (सिजप)का अध्यक्ष तिलोत्तम पौडेलले गहिरो व्यक्त गरेका छन् ।
शनिबार काठमाडौंमा आयोजित ‘जेनजी आन्दोलनपछिको सन्दर्भमा नेपालमा बाल संरक्षणका लागि रणनीतिक मार्गचित्र’ विषयक छलफल कार्यक्रममा बोल्दै अध्यक्ष पौडेलले पछिल्लो आन्दोलनका कारण बालबालिका र तिनीहरूका संरक्षण संस्था गम्भीर संकटमा परेको बताए ।
‘हामीले यस पटक वाल दिवसको शुभकामना पनि राम्रोसँग दिन सकेनौं । जेनजी आन्दोलनका क्रममा सिजपको कार्यालय समेत तोडफोड भयो । यस्तो परिस्थितिमा केही न केही गर्नुपर्ने महसुस गर्दै काम गरिरहेका छौं,’अध्यक्ष पौडेलले भने ।
उनका अनुसार आन्दोलनको समयमा कैदीहरू छ्यापछ्याप्ती भागिरहेका थिए, जसले गर्दा बालबालिका र महिलाको सुरक्षामा थप चुनौती थपिएको छ । ‘अहिले झनै अपराधीहरू जेलबाट बाहिर छन् । तिनीहरूबाट बालबालिका र महिला असुरक्षित हुने अवस्था सिर्जना भएको छ,’उनले भने ।
अध्यक्ष पौडेलले अपांगता भएका बालबालिका, अल्पसंख्यक समुदायका बालबालिका लगायतका समूदायहरू अझ बढी जोखिममा परेको उल्लेख गरे ।
उनले आन्दोलनपछिको समयमा बाल संरक्षणमा काम गरिरहेका संस्था र व्यक्ति समेत निष्क्रियजस्तै भएको भन्दै चिन्ता व्यक्त गरे ।
थप समाचारहरु
विपद् व्यवस्थापनका लागि ड्रोन प्रयोग गर्ने सम्बन्धी सम्झौता
कुलमान घिसिङ भन्छन : अब देशले नयाँ नेतृत्व खोजेको छ
तत्कालीन द्वन्द्व पीडितले न्याय नपाएकामा चिन्ता
प्रधानमन्त्री ओली र भियतनामका प्रधानमन्त्री चिङबीच भेटवार्ता
निजामती विधेयकको सन्देश प्रतिनिधिसभालाई प्राप्त
संसदीय सुनुवाइ समिति (संयुक्त) को बैठक बस्दै
