काठमाडौं । सामाजिक उत्तरदायित्व अन्तर्गत हिलटेक समूहले सरकारलाई १०८ थान पानी ट्याङ्की र पाँचसय थान ट्राफिक कोन प्रदान गरेको छ ।
एक समारोहकाबीच हिलटेक समूहले यस सहयोगको घोषणा गर्दै नेपालको पुनर्निर्माण तथा विकास यात्रामा आफ्नो निरन्तर समर्थन रहने स्पष्ट पारेको छ ।
समारोहमा नेपाल सरकारका मुख्यसचिव एकनारायण अर्याल र नेपाल प्रहरीका महानिरीक्षक चन्द्र कुबेर खापुङ्गको उपस्थिति रहेको थियो ।
सन् १९९२ देखि पाइप तथा पानी ट्याङ्की निर्माण गर्दै आएको हिलटेक समूहले विगत तीन दशकदेखि सडक डिभाइडर, डस्टबिन लगायतका सामग्रीहरू पनि सामाजिक सहयोग स्वरूप देशका विभिन्न स्थानमा उपलब्ध गराउँदै आएको छ ।
धार्मिक पर्यटन प्रवद्र्धनमा समेत समूहले विशेष योगदान दिँदै आएको छ । भक्तपुरको साँगास्थित विश्वकै अग्लो १४३ फिटको कैलाशनाथ महादेव मूर्ति र पोखराको पुम्डिकोटमा रहेको ५० फिट अग्लो शिव मूर्तिको निर्माण हिलटेक समूहकै पहलमा सम्पन्न भएको हो । यी धार्मिक संरचनाहरूले स्थानीय पर्यटन र अर्थतन्त्रमा उल्लेखनीय प्रभाव पारिरहेका छन् ।
समूहका अध्यक्ष कमल जैनका अनुसार, ‘यी सबै योगदानहरू भगवान् पशुपतिनाथको आशीर्वाद र सम्पूर्ण नेपाली दाजुभाइ–बहिनीहरूको सहकार्यले अझ प्रेरणादायी बन्ने विश्वास लिएको छु ।’
हिलटेक समूहको पछिल्लो सहयोगलाई सामाजिक उत्तरदायित्वको उदाहरणीय नमूना मानिएको छ । समूहले आगामी दिनहरूमा पनि राष्ट्र निर्माणमा योगदान पु¥याउने प्रतिवद्धता व्यक्त गरेको छ ।
थप समाचारहरु
नेपाल–भारत सीमामा कडाइ, ममता बनर्जीले जनाइन प्रतिक्रिया
जब मन्त्रीहरुको उद्धारमा हेलिकप्टर भैंसेपाटी पुग्यो, अनि आन्दोलनकारी उग्र बने
पहिलो महिला प्रधानमन्त्री राष्ट्रको गौरव
सबै बीमा कम्पनीका कार्यालय सञ्चालनमा ल्याउन बीमा प्राधिकरणको निर्देशन
जेनजी प्रदर्शनले युवामा मानसिक समस्या बढ्दो
राष्ट्रपतिसमक्ष लोक सेवा आयोगको वार्षिक प्रतिवेदन पेस
