News and Updates
काठमाडौं । अध्यक्ष केपी शर्मा ओलीले एमालेको विधान महाधिवेशनमा स्थायी कमिटी सदस्य कर्ण थापालाई फरक मत पेस गर्न रोक लगाएका छन् । ललितपुरको गोदावरीमा शुक्रबारबाट सुरु भएको विधान महाधिवेशनमा उनले पेस गर्न चाहेका थिए ।
कार्यसूचीमा राखेर पनि आफ्नो फरक मत पेस हुन नदिएको थापाले बताए ।
विधान महाधिवेशनमा विद्यादेवी भण्डारीको पक्षबाट थापाले फरक मत पेश गर्ने तयारी गरेका थिए ।
अब थापाको मतबारे महाधिवेशनको हलमा कुरा नहुने र समूहमा कुरा राख्न सक्ने छन् । थापाले विद्यादेवी भण्डारीको सदस्यता रोक्ने, ७० वर्षे उमेर हद हटाउने लगायतका प्रवाधानमा फरक मत राख्ने भएका छन् ।
आज दोस्रो दिन आज केन्द्रीय निर्वाचन आयोग अध्यक्ष डा विजय सुब्बा, लेखा आयोग अध्यक्ष डा पुष्प कँडेल र अनुशासन आयोग अध्यक्ष केशव वडालले आफ्ना प्रतिवेदन प्रस्तुत गरेका थिए । ती सबै प्रतिवेदनमा छलफल गर्नका लागि गठित दश समूहले आज दिनभर छलफल गर्नेछन् ।
समूहको टोली नेताबाट हलमा हुने प्रस्तुतिका समयमा बहस नोटका लागि सचिव लेखराज भट्टको संयोजकत्वमा कमिटी बनाइएको छ । महाधिवेशन आइतबार सम्पन्न हुनेछ ।
थप समाचारहरु
मदन भण्डारीको जन्मजयन्ती मनाइने, संयोजकमा डोरमणि पौडेल
भगवती न्यौपाने संघीय मामिला तथा सामान्य प्रशासन मन्त्रीमा नियुक्त
चारवटा संसदीय समितिको बैठक बस्दै, यस्ता छन् कार्यसूची
विकासशील राष्ट्रहरूको साझा अनुभव नै कृषिको विकासका लागि ठूलो स्रोत हुन सक्छ : कृषिमन्त्री अधिकारी
नेपालको श्रीलंकाविरुद्ध सानदार जित
पूर्ण स्थापित : जो लिच्छवीकालिन सप्तपाताल पोखरी जोगाउन अनवरत लडे
फेसबुकबाट तपाईको प्रतिक्रिया