रातो कागज
काठमाडौं । स्वास्थ्य तथा जनसङ्ख्या मन्त्री प्रदीप पौडेलले अपाङ्गता ऐनले सबै अपाङ्गताका विषयहरुलाई समेट्न नसकेको स्वीकार गरेका छन् ।
बुधबार काठमाडौंमा आयोजित नेपालको राष्ट्रिय अटिजम निर्देशिका अन्तरक्रिया कार्यक्रममा बोल्दै उनले ऐनमा समेटेर केही हदसम्म सम्बोधन गरेको विषयहरु पनि पूर्ण नभएकाले राहत महशुस हुने ढंगबाट सम्बोधन नभएको स्वीकार गर्दै यसमा नीतिगत पक्षबाट काम गर्नुपर्ने बताए ।
उनले भने,‘ हाम्रो यो अपाङ्गता ऐनले सबै कुरालाई समेट्न सकेको छैन् म त्यसलाई स्वीकार गर्छु । समेटेर केही हदसम्म सम्बोधन गरेको कुराहरु पनि पूर्ण छैनन् । एकदमै राहत महशुस हुने ढंगबाट सम्बोधन भएको छैन्, त्यो कुरा पनि स्वीकार गर्छु । यसमा हामीले नीतिगत पक्षबाट काम गर्नुपर्ने हुन्छ ।’
त्यस्तै उनले आपाङ्गता सम्बन्धी ऐनमा उल्लेख भएका बाहेक अन्य नयाँ – नयाँ समस्याहरु पनि देखिएको बताउँदै तीनिहरुलाई सम्बोधन गर्न आवश्यक रहेको बताए ।
उनले भने,‘नेपालमा जतिपनि आपाङ्गता सम्बन्धी विषयहरु जतिपनि छन् ,त्यो ऐनमा उल्लेख भएका बाहेक अन्य समस्याहरु पनि छन् । नयाँ – नयाँ समस्याहरु देखिएको छ । तीनिहरुलाई कहिँपनि साहारा नपाएको जस्तो ,कसैले नहेरेको जस्तो भइरहेको छ । त्यसैले यो नयाँ–नयाँ समस्याहरु जुन छन् ,यी सबैलाई सम्बोधन गर्न जरुरी छ ।’
त्यस्तै मन्त्री पौडेलले काठमाडौंको बुढालिकण्ठ वडा नं ४ मा अटिजम स्कूल भवन बन्ने प्रकृया सुरु भएको जानकारी गराए । सातै प्रदेशमा कम्तिमा एउटा अटिजम स्कूल प्रारम्भिक चरणमा आवश्यक रहेको बताउँदै उनले यसलाई दिर्घकालिन प्रोजेक्टको रुपमा अगाडि बढाउने घोषणा समेत गरे ।
उनले भने,‘यो पटकको बजेट मार्फत काठमाडौंको बुढालिकण्ठ वडा नं ४ मा भवन बन्ने प्रकृया सुरु भएको छ । त्यसको डिपिआर पनि हामीलाई उपलब्ध भएको छ । हामीले तीन करोड रुपैयाँ राखेको छौं । हामीले रफ्तारमा काम गरेर काठमाडौंमा अटिजम स्कूल बनाएर नै छाड्ने छौं । यो सातै प्रदेशमा कम्तिमा एउटा स्कूल प्रारम्भिक चरणमा आवश्यक छ । यसलाई दिर्घकालिन प्रोजेक्टको रुपमा अगाडि बढाउँछौं ।’
थप समाचारहरु
त्रिशूली अस्पतालमा सिटी स्क्यान सेवा
अपाङ्गता भएका व्यक्तिको यौन तथा प्रजनन स्वास्थ्य अधिकार सुनिश्चित गर्न माग
डेङ्गीको सङ्क्रमणबाट चितवनमा थप एक जनाको मृत्यु
चेपाङ बस्तीको स्वास्थ्य संस्थालाई औषधि प्रदान
मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र,
स्वास्थ्य सेवा ऐन ल्याउने तयारी
फेसबुकबाट तपाईको प्रतिक्रिया