पर्सा क्षेत्रमा झाडापखालाको प्रकोप, संघ–प्रदेशबाट पानी परीक्षण घुम्ती सेवा सुरु

वीरगन्ज । पर्सा लगायतका क्षेत्रमा झाडापखालाको संक्रमण देखिएसँगै संघ र प्रदेश सरकारको पहलमा पानी परीक्षणका लागि घुम्ती सेवा संचालनमा आएको छ ।

खानेपानी तथा ढल व्यवस्थापन कार्यालय भरतपुर (चितवन), काठमाडौं र जनकपुरबाट विज्ञ सहितको टोली वीरगञ्जको मुडली, रानिघाट, श्रीपुर लगायतका स्थानमा जडान गरिएका डीप बोरिङ तथा खानेपानी संस्थानका धाराहरूको नमुना संकलन गरिरहेको छ ।

खानेपानी संस्थान पर्साका प्रमुख प्रविन कुमार साहका अनुसार अहिलेसम्म १५ स्थानका पानी नमुना संकलन गरी परीक्षणका लागि जनकपुर पठाइसकिएको छ। उनका अनुसार संघ र चितवनबाट आएको टोलीले आज पनि नमुना संकलन कार्य जारी राखेको छ । नमुनाको रिपोर्ट आउन करिब २ दिन लाग्ने जानकारी उनले दिए।

यसैबीच, वीरगन्ज महानगर क्षेत्रमा हैजाको महामारी समुदायस्तरमा गम्भीर रूप लिँदै गएको छ । आइतबार दिउँसो १ बजेसम्मको तथ्यांकअनुसार २२१ जना झाडापखालाबाट संक्रमित भएका छन्, जसमा ४२ जनामा हैजाको पुष्टि भएको छ ।

स्वास्थ्यकर्मीहरूले नागरिकलाई उमालेको पानी मात्र पिउन, सरसफाइमा ध्यान दिन र संक्रमण नियन्त्रणमा सहयोग गर्न आग्रह गरेका छन् ।

थप समाचारहरु

मदन भण्डारीको जन्मजयन्ती मनाइने, संयोजकमा डोरमणि पौडेल भगवती न्यौपाने संघीय मामिला तथा सामान्य प्रशासन मन्त्रीमा नियुक्त चारवटा संसदीय समितिको बैठक बस्दै, यस्ता छन् कार्यसूची विकासशील राष्ट्रहरूको साझा अनुभव नै कृषिको विकासका लागि ठूलो स्रोत हुन सक्छ : कृषिमन्त्री अधिकारी नेपालको श्रीलंकाविरुद्ध सानदार जित पूर्ण स्थापित : जो लिच्छवीकालिन सप्तपाताल पोखरी जोगाउन अनवरत लडे