बैतडीका दुर्गम भेगमा विद्युत् सेवा विस्तार

बैतडी, २७ साउनः जिल्लाको दुर्गम तल्लोस्वराड क्षेत्रस्थित शिवनाथ गाउँपालिकामा विद्युत् सेवा विस्तार भएको छ । गाउँपालिकाकाको वडा नं २ शर्माली र वडा नम्बर ३ सौगडामा विद्युत् सेवा विस्तार भएको हो ।

शिवनाथ गाउँपालिकाका अध्यक्ष कर्णसिंह साउदका अनुसार भारतसँग सिमाना जोडिएको शिवनाथ–२ शर्मालीका ५८ घरमा बिजुली पुगेको छ । वडा नम्बर ३ को सौगडामा पनि धमाधम विद्युतीकरण भइरहेको छ । बिजुली विस्तार गर्न बाँकी रहेका ४ र १ नम्बर चाँडै काम थालिने उहाँले बताउनुभयो । शिवनाथका वडा नम्बर ५ र ६ मा यसअघि नै बिजुली बलिसकेको छ । गाउँमा बिजुली बलेसँगै अन्न कुट्नेपिस्ने मिल सञ्चालन भएका छन् ।

शिवनाथ क्षेत्रमा ११ केभी लाइन विस्तार गरेर बिजुली बालिएको नेपाल विद्युत प्राधिकरण बैतडी वितरण केन्द्रका प्रमुख जनार्दन पौडेलले जानकारी दिए ।

थप समाचारहरु

कञ्चनपुरमा जुवा खेल्ने ४२ जना पक्राउ बालकुमारी घटनाको विरोधमा धनगढीमा प्रदर्शन कैलालीमा मृत भेटियो पाटे बाघ सुदूरपश्चिम सरकारलाई समर्थन दिने नाउपाको निर्णय, २ सांसद अनुपस्थित एमाले कञ्चनपुरको अधिवेशनमा विवाद, पार्टी कार्यालयमा तालाबन्दी विश्वासको मत र राजीनामाबारे सुदूरपश्चिमका मुख्यमन्त्री सुझाव लिन काठमाडौंमा