एजेन्सी । चीनमा स्मार्ट प्रविधिहरूको सहायतामा विमानस्थलका यात्रुहरुलाई आवागमन र प्रवेशमा सहजीकरण गर्ने गरेको छ । आप्रवासन क्लियरेन्समा ह्युमनोइड रोबोट जस्ता स्मार्ट प्रविधिहरू प्रयोगमा ल्याइएको छ ।
सेल्फ–सर्भिस किओस्क र ह्युमनोइड रोबोट जस्ता स्मार्ट प्रविधिहरू अपनाइएका कारण पूर्वी चीनको झेजियाङ प्रान्तबाट यात्रा गर्न उल्लेखनीय रूपमा सरल भएको छ ।
हाङझाउ सियाओशान अन्तर्राष्ट्रिय विमानस्थलको सीमा निरीक्षण क्षेत्रमा, मानवरूपी रोबोटहरू टर्मिनलमा घुम्ने गरेका छन् ।
‘हामी रोबोटहरूको क्षमतालाई निरन्तर स्तरोन्नति गर्नेछौं । ताकि तिनीहरूले विभिन्न जटिल निरीक्षणहरू ह्यान्डल गर्न सकून् र आपतकालीन अवस्थामा सहजीकरण गर्न सकुन,’ हाङझाउ सीमा निरीक्षणका अफिसर वु लियाङले भने ।
जनवरीमा, विशेष सेल्फ सर्भ किओस्कहरू सुरु गरिएको थियो । जसले यात्रुहरूलाई क्यूआर कोड स्क्यान गरेर आवश्यक कागजातहरू भर्न अनुमति दिन्छ । जसलाई विदेशी प्रवेश कार्ड भनिन्छ। सात भाषाहरूलाई समर्थन गर्ने यस्तो प्रविधि हालसम्म ८६,००० भन्दा बढी यात्रुहरूले प्रयोग गरिसकेका छन्।
‘२०२५ को पहिलो छ महिनामा, हामीले २५ लाख ५० हजार भन्दा बढी सीमा पार गरायौं । जुन वार्षिक रूपमा १२.३ प्रतिशतले वृद्धि हो,’प्रहरी अधिकारी लिउ जियानीले भने ।
चीनको भिसामुक्त यात्रा कार्यक्रमका कारण वर्षको पहिलो दुई त्रैमासिकमा चीनको आन्तरिक विदेशी पर्यटन स्थिर देखिएको छ । (सीसीटीभप्लस)
थप समाचारहरु
नेपाल चिनाउने कार्यक्रममा राजदूत अनुपस्थित भएको गुनासो
अमेरिकाको टेक्सास राज्य संसद्द्वारा ‘बुद्ध डे’ मनाउने प्रस्ताव पारित
हमास र इजरायलबीच कतारमा वार्ता, मध्यस्थता गर्दै कतार र अमेरिका
अमेरिकाको नयाँ नीतिपछि मेक्सिकोले सुरु गर्यो ‘मेड इन मेक्सिको’ अभियान
इजरायल–इरान द्वन्द्वले बजारमा अस्थिरता बढाएपछि तेलको भाउमा वृद्धि
अमेरिकी अर्थतन्त्र संकुचित अवस्थामा
