रातो कागज
रौतहट । रौतहटका कृषक असावधानीका कारण खेतमा सिचाइ गर्ने क्रममा करेन्ट लागेर मृत्यु हुने गरेको पाइएको छ ।
विद्युतीय करेन्ट लागेर गत आर्थिक बर्षमा २३ जनाको मृत्यु भएको थियो भने हालसम्म २८ जनाको मृत्यु भएको जिल्ला प्रहरी कार्यालय रौतहटको तथ्यांकमा उल्लेख छ ।
इशनाथ नगरपालिका–८ मन्सरी टोलमा सोमबार बिहान करेन्ट लागेर मृत्यु भएको प्रहरीले जानकारी दिएको छ । आफ्नै खेतमा मोटरबाट पानी लगाउने क्रममा करेन्ट लागेर अचेत भएका ५५ वर्षीय शेख जाफिरको उपचारका क्रममा मृत्यु भएको जिल्ला प्रहरी प्रवक्ता डिएसपी दीपक कुमार रायले जानकारी दिए ।
रौतहट प्रशासनले खेतमा सिचाइ गर्दा सावधानी अपनाउन आग्रह गरेको छ । कृषि कार्यमा प्रयोग हुने विद्युतीय मोटर सञ्चालन गर्दा असावधानीका कारण करेन्ट लाग्ने गरेकाले सूचना जारी गरि सावधानी अपनाउन अनुरोध गरिएको सहायक प्रमुख जिल्ला अधिकारी किरणनिधि तिवारीले बताए ।
यो घटना अत्यधिक बढेकाले न्यूनीकरणका लागि विद्युत प्राधिकरणसंग समन्वय गरेर सावधानी अपनाउन अनुरोध गरीएको उनको भनाइ छ ।
खेतमा पानी पठाउन किसानले नांगो तारमा सामान्य प्लास्टिक बेरेर लैजाने गर्छन् । त्यस्तो तार पानीमा परेपछि बाहिर करेन्ट सप्लाई भएर मानिसको मृत्युका घटना हुने गरेको रौतहट प्रहरीले जानकारी दिएको छ ।
थप समाचारहरु
जनकपुर न्यूरो हस्पिटलमा स्वास्थ्य सेवा विभागको अनुगमन
मानवअधिकार आयोगले भन्यो : सप्तरी घटनाको छानबिन गरी दोषीलाई कारबाही गर
नेपाली पत्रकारिताका ‘शिखर पुरुष’ राजेश्वर नेपालीको निधन
बारामा शिक्षक हत्यामा संलग्नको आशंकामा एक जना पक्राउ
कमला नदीमा अनौठो भूत मेला, स्नान गर्ने श्रद्धालुहरुको घुइँचो
सिमरा विमानस्थलमा रिफ्युलिङ सेन्टर
फेसबुकबाट तपाईको प्रतिक्रिया