नेपाल न्युज बैंक
जनकपुर । लैंगिक हिंसा प्रतिकार्य सम्बन्धी घटना व्यवस्थापन तथा सेवा प्रेषण प्रणाली निर्देशिका, २०८२ को मस्यौदा मधेश प्रदेशका खेलकूद तथा समाज कल्याण मन्त्री प्रमोदकुमार जयसवाललाई हस्तान्तरण गरिएको छ ।
लैंगिक हिंसा सम्बन्धी घटना व्यवस्थापन तथा सेवा प्रेषण प्रणाली निर्देशिका, २०८२ को मस्यौदा निर्माण गर्न गठन कार्यदलका पदाधिकारीहरुले बिहीबार (आज) जनकपुधामस्थित मन्त्रालयमा पुगेर मन्त्री जयसवाललाई हस्तान्तरण गरेका छन् । खेलकूद तथा समाज कल्याण मन्त्रालय, जनकपुरधाम उपमहानगरपालिका, इयु एजेन्सी, युएनएफपीए, सीएमसी नेपाल लगायत गैर सरकारी संघसंस्थाका प्रतिनिधिहरु सम्मिलित कार्यदल गएको बैशाख १५ गतेको बैठकले गठन गरिएको थियो ।
निर्देशिकामा ४ वटा अनुच्छेद र २१ वटा बुँदाहरु रहेको राष्ट्रिय बाल परिषद्का प्रदेश समन्वय अधिकृत संजिव महतोले जानकारी दिए । निर्देशिकाले पीडितलाई घटनाव्यवस्थापनदेखि पुर्नस्थापनासम्मको कार्यमा सहयोग गर्ने महतोले जानकारी दिएका छन् । पीडितलाई कानूनी सहायता, मनोसामाजिक परामर्श, उपचारको व्यवस्था, अल्पकालीन र दीर्घकालीन सुरक्षा, जीविकोपार्जन लगायतको व्यवस्था निर्देशिकामा गरिएको उनले बताए ।
कार्यदलका संयोजक समेत रहेकी खेलकूद तथा समाज कल्याण मन्त्रालयका समाज कल्याण महाशाखा प्रमुख निर्मला मिश्रले मन्त्री जयसवाललाई सो मस्यौदा हस्तान्तरण गरेकी हुन् । मस्यौदा बुझ्दै मन्त्री जयसवालले महिला हिंसाको घटना रोक्नुका साथै हिंसामा परेकालाई पुर्नस्थापित गर्न निर्देशिकाले न्याय गर्ने विश्वास व्यक्त गरे । उनले मधेश प्रदेश सरकारले थालेको हिंसा विरुद्धको अभियानमा निर्देशिकाको भूमिका महत्वपूर्ण हुने धारणा व्यक्त गरे । निर्देशिका कार्यान्वयनमा आइसकेपछि महिला हिंसा, घरेलु हिंसा लगायत समाजिक विकृति विरुद्ध प्रदेश सरकारले थालेको अभियानलाई प्रभावकारी रुपले अघि बढाउन सहयोग पुग्ने मन्त्री जयसवालले बताए ।
अन्य प्रदेशको तुलनामा मधेशमा परम्पराका नाउँमा भइरहेको हिंसाले समाजलाई अन्यायतर्फ धकेलेकोले यस विरुद्ध सबै जना मिलेर लाग्नुपर्ने मन्त्री जयसवालको भनाई थियो । तयार गरिएको निर्देशिकाले न्याय दिन र पुर्नस्थापना गर्ने कार्यमा सहयोग पुग्ने मन्त्री जयसवालले विश्वास व्यक्त गरे ।
थप समाचारहरु
स्थानीय भन्छन् : ज्यान त बच्यो, हेर्दा हेर्दै घरबारविहीन भयौँ
झोलुङ्गे पुलको जिल्लामा पनि ‘फड्के’को बाध्यता
पोखराबाट ‘स्कुल ड्रेस’मा एकैदिन हराए ३ बालिका
बाढीले झोलुङ्गे पुलमा क्षति पुर्याउँदा किसानलाई समस्या
सामूहिक बलात्कार आरोपमा स्याङ्जामा दुई जना पक्राउ
उपल्लो मुस्ताङका बासिन्दालाई चीन जान अनुमतिपत्र
फेसबुकबाट तपाईको प्रतिक्रिया