कसैले भन्दैमा राजतन्त्र आउनेवाला छैन : सभापति देउवा

११ मंसिर, त्रिवेणी (नवलपरासी) । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले कसैले चाहदैमा राजतन्त्र नआउने बताएका छन् ।

नवलपरासी (बर्दघाट सुस्तापूर्व) नवलपुरको दलदलेमा नेपाली कांग्रेस नवलपुरको प्रथम जिल्ला भेलालाई आज सम्बोधन गर्दै सभापति देउवाले कसैले भन्दैमा राजतन्त्र नआउने बताए ।

सभापति देवउवाले संविधानसभाले राजा हटाउने निर्णय गरिसकेकाले राजतन्त्र अब नफर्किने स्पष्ट पारे । उनले भने, ‘पूर्वराजा फर्कने कुरा छैन, संविधानसभाले राजा हटाउने निर्णय गरिसकेको छ, कसैले भन्दैमा राजतन्त्र आउनेवाला छैन ।’

सभापति देउवाले अन्य विषयमा छलफल गर्न सकिए पनि राजतन्त्र फर्काउने विषयमा कुनै कुरा नहुने भन्दै सभापति देउवाले सङ्घीय लोकतान्त्रिक गणतन्त्रलाई संस्थागत गर्न सबै मिलेर लाग्नुपर्नेमा जोड दिए ।

नेपाली कांग्रेस महामन्त्री गगन थापाले राजतन्त्रका बारेमा वकालत गर्नु भोलिका लागि घातक हुने बताए । जिल्ला सम्मेलनमा कांगे्रसका अन्य विभिन्न नेताहरूले सम्बोधन गरेका थिए ।

थप समाचारहरु

सुशासन, संघीयता कार्यान्वयन र विश्वविद्यालयमा सुधारबारे राष्ट्रपतिको चासो जनतालाई केन्द्रमा राखे कांग्रेस बलियो हुन्छ : सभापति देउवा बालुवाटारमा मुख्यमन्त्रीहरूसहित सत्ता साझेदार दलको बैठक जारी प्रतिवेदनमा सहमति खोज्न देउवाले बोलाए शीर्ष नेताको बैठक देउवा निस्किएलगत्तै बालुवाटार पुगे एमाले अध्यक्ष ओली बालेनका समर्थक बसन्तपुरबाट प्रहरी नियन्त्रणमा