काठमाडौं । थारु विद्यार्थी समाजले एसईईमा उत्कृष्ट नतिजा ल्याउने विद्यार्थीहरुलाई सम्मान गर्ने भएको छ । राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) २०८१ को नतिजा सार्वजनिक सार्वजनिक गरेसँगै उत्कृष्ट ग्रेड ल्याउने विद्यार्थीहरुलाई थारु विद्यार्थी समाजले सम्मान गर्न लागेको हो ।
थारु विद्यार्थी समाजका अध्यक्ष विमल चौधरीले एसईई मा राम्रो ग्रेड ल्याएर उतिर्ण भएका विद्यार्थीहरुलाई थप हौसला प्रदानका लागि सम्मान गर्न लागेको बताए । उनले विगतका बर्षहरुमा जस्तै यस वर्ष पनि औपचारिक कार्यक्रम गरेर विद्यार्थीहरुलाई सम्मान गर्ने बताए ।
उनले भने, विगतमा पनि समाजले आयोजना गर्ने सम्मान कार्यक्रममा एसईईमा राम्रो ग्रेड ल्याउने विद्यार्थीहरुको बाक्लो सहभागिता रह्दै आएको र यो बर्ष पनि सकेसम्म धेरै विद्यार्थीहरुलाई सम्मान गर्ने बताए । उनले सम्मान कार्यक्रममा भाग लिनका लागि गुगल फर्म खुलाएको समेत जानकारी दिए ।
गुगल फारममा विद्यर्थीले आफ्नो सम्पुर्ण व्यक्तिगत विवरण खुलाउनुपर्ने छ । समाजले सम्मानका लागि ३.२ भन्दा माथिका जिपिए ल्याएका विद्यार्थीलाई सम्मान गर्ने समेत जनाएको छ ।
छनोट भएका विद्यार्थीहरुलाई ललितपुरको कुपण्डोलस्थित नाइटिङगेल स्कुलमा साउन १० गते औपचारिक कार्यक्रम मार्फत सम्मान गर्ने समाजले जनाएको छ । समाजले हरेक बर्ष एसईईमा उत्कृष्ट ग्रेड ल्याउने विद्यार्थीहरुलाई सम्मान गर्दै आएको छ ।
विद्यार्थीहरुको सहजका लागि थारु विद्यार्थी समाजले हट लाईन समेत उपलब्ध गराएको छ । कुनै थप जानकारी लिनुपरेको खण्डमा थारु विद्यार्थी समाजका पदाधिकारीहरुको सम्पर्क नम्बर : ९८१६७३२५००, ९८०२३३८५०२, ९८२३०३६६७५, ९८६६२०१५८९,९७४८३०९८५९,९८१५७१९०६० मा सिधैं फोन गरेर जानकारी दिन सक्नेछन् ।
तल दिएको गुगल लिंकमा गएर फारम भर्न सक्नुहुने छ ।
https://docs.google.com/forms/d/e/1FAIpQLSfkM66MGUYj9dO3k_PWYe_GsZwSiT4_sLPw48RESsuG2X9iVA/viewform
थप समाचारहरु
हुबहु समाचार सार्ने १८३ अनलाइन काउन्सिलको कारबाहीमा
एकीकृत समाजवादीका निर्वाचित ८४ जना पोलिटब्युरो सदस्य (मत परिणामसहित)
तोकिएको कार्यालयमा हाजिर नगर्ने कर्मचारीको सूची तयार पार्दै सामान्य प्रशासन मन्त्रालय
‘फेरि रेशम फिलिली’ को टिकेट बुकिङ र बिक्री सुरू
जनमोर्चाले सुरु गर्यो ‘संघीयता खारेज गरौं’ अभियान, काठमाडौंमा र्याली
बहुविवाहलाई कानुनी मान्यता दिने प्रयास अस्वीकार्य : श्रेष्ठ
