बाली नजिकै डुङ्गा डुब्दा हराइरहेकाहरुको खोजीकार्य जारी, ६ जनाको मृत्यु

एजेन्सी । इन्डोनेसियाको पर्यटकीय टापु बाली नजिकै डुङ्गा डुब्दा हराइरहेकाहरुको खोजीकार्य जारी छ । दुर्घटनामा परेको डुङ्गामा ५३ यात्रु र चालक दलका १२ जना सदस्य थिए ।
बुधबार स्थानीय समय अनुसार राति ११ः२० बजे जाभा टापुको पूर्वी तटमा रहेको बान्युवाङ्गीबाट बाली जाँदै गर्दा डुङ्गा डुबेको बताइएको छ ।

इन्डोनेसियाली खोज तथा उद्धार टोलीहरूले जीवित व्यक्तिहरूको खोजी कार्यलाई निरन्तरता दिइरहेका छन् । खोज तथा उद्धार कार्यालयका प्रवक्ता गुस्ती आयु केतुत विजयन्तीले बिहीबार साँझ रात परेका कारण खोज तथा उद्धार कार्य स्थगित गरिएको र शुक्रबारबाट पुनः सुरु गरिएको बताए ।

जसमध्ये छ जनाको मृत्यु भएको पुष्टि भएको छ, २४ जना अझै बेपत्ता छन् र ३५ जना बाँचेका छन्। आपत्कालीन अवस्थाका लागि धेरै एम्बुलेन्सहरू तयार राखिएको छ ।

थप समाचारहरु

हमासको हवाइ आक्रमणको कमाण्डर मारिएको इजरायलको दाबी एक हप्ता अघि सुरुङभित्र फसेका ४० मजदुरको अझै भएन उद्धार बंगलादेशमा मतदान जारी, विपक्षीको बहिस्कार खगोलविद्हरूले भेटाए तीव्र गतिको ब्ल्याक होल जसले हरेक दिन खाइरहेको छ एउटा सूर्य नाभाल्नीको शव उनकी आमालाई जिम्मा लगाइयो भारतमा लोकसभाको चुनाव घोषणा, कुन राज्‍यमा कहिले ?