3 मंसिर, काठमाडौं । विश्वप्रसिद्ध लेखक पाउलो कोएलोले आफ्नो पछिल्लो सिफारिस सूचीमा नेपालका उपन्यासकार बुद्धिसागरको ‘कर्नाली ब्लुज’लाई सामेल गराएका छन् ।
कोएलोका तीन सिफारिस कृतिको एक नम्बरमा कर्नाली ब्लुजको अंग्रेजी अनुवाद छ । बेलायतका प्राध्यापक माइकल हटले यसलाई नेपालीबाट अंग्रेजीमा अनुवाद गरेका हुन् । नेपालीमा फाइनप्रिन्टले १३ वर्षअघि छापेको कर्नाली ब्लुजलाई अंग्रेजीमा दुई वर्षअघि अन्तर्राष्ट्रिय प्रकाशन गृह पेन्गुइनले छापेको हो ।
कोएलोको सिफारिस सूचीलाई रिड दिस ट्वाइस् नामक वेबसाइटले सार्वजनिक गरेको छ । यसको दोस्रो नम्बरमा ‘भगवत् गीता’ छ, जसलाई एकनाथ ईश्वरनले अनुवाद गरेका हुन् । कोएलोको सिफारिस सूचीको तेस्रो नम्बरमा छ, ‘ह्याचिङ ट्वीटर : अ ट्रु स्टोरी अफ मनी, पावर, फ्रेन्डसिप एन्ड बिट्रेयल’ । यसका लेखक हुन् निक बिल्टन ।
यसअघि गत अप्रिलमा कोएलोले आफ्नो किताब हिप्पी र कर्नाली ब्लुज सँगै राखेर बुद्धिसागरलाई बधाई दिंदै ट्वीट गरेका थिए । अल्केमिस्ट, जाहिर, इलेभेन मिनट्स लगायत चर्चित किताब लेखेका कोएलो संसारमा सबैभन्दा बढी अनुवाद हुने लेखकमध्ये पर्छन् ।
थप समाचारहरु
महान रहस्यदर्शी गुरु ओशोका केही रोचक प्रसंग : स्वामी ध्यान आशिष
हिउँ हराएको हिउँद
कथासङ्ग्रह ‘मुना मदनको डिभोर्स पार्टी’ विमोचन
प्रधानमन्त्रीबाट उप्रेतीको ‘मेरा अतीतका कथाहरु’ को लोकार्पण
यस वर्षको रुद्रराज साहित्य पुरस्कार गार्गी शर्मालाई
माया–प्रेमका बारेमा साहित्य धेरै लेखियो, अब पर्यावरणबारे लेखौं : विजय हितान,साहित्यकार
