२ मंसिर, काठमाडौं । नेपालमा टिकटक प्रतिबन्धविरूद्ध माइतीघर मण्डलमा प्रदर्शन भएको छ। शनिबार टिकटक प्रयोगकर्ताहरूले टिकटक प्रतिबन्ध खारेज गर्नुपर्ने भन्दै प्रदर्शन गरेका हुन्।
टिकटक प्रतिबन्ध गरेको भन्दै सामाजिक सञ्जालमा सरकारको टीकाटिप्पणी भइरहेको छ। कतिपयले सरकारको यो निर्णयलाई स्वागत गरेका छन् भने कतिपयले भने बन्द नभई नियमन गर्नुपर्ने बताउँदै आएका छन्।
टिकटक प्रतिबन्ध लगाउने सरकारको निर्णयविरूद्ध सर्वोच्च अदालतमा १० वटा रिट निवेदन दायर भएका छन्।
मन्त्रिपरिषद्को गत कात्तिक २७ गतेको बैठकले सामाजिक सञ्जाल टिकटक प्रतिबन्ध लगाउने निर्णय गरेपछि रिट दायर गरिएको हो।
रिट निवेदनमा सरकारको उक्त निर्णय खारेज गर्न माग गरिएको छ। उक्त विवादको सुनुवाइ मंसिर ४ गतेका लागि तय गरिएको छ।
थप समाचारहरु
प्रहरीको गोली लागेर २ युवकको मृत्युको विरोधमा माइतीघरमा प्रदर्शन, केही पक्राउ
टिकटक प्रतिबन्धविरुद्ध सर्वोच्च पुग्यो रिट
टिकटकलाई दूरसञ्चार प्राधिकरणको पत्र : प्रतिबन्ध कार्यान्वयनमा सघाऊ
टिकटक चलाउन दिने प्रधानमन्त्री प्रचण्डको आश्वासन
गृहमन्त्री लामिछानेविरूद्ध सिंहदरवार अगाडि प्रदर्शन, १५ जना पक्राउ
सम्झौता कार्यान्वयनको माग गर्दै अपांगता भएका व्यक्तिहरू प्रदर्शनमा उत्रिए
