काठमाडौं । राष्ट्रिय स्वतन्त्र पार्टी (रास्वपा) की सांसद सुमना श्रेष्ठले शनिबार प्रतिनिधिसभाको बैठकमा युवाको भविष्य, वैदेशिक रोजगारी र राज्यको उत्तरदायित्वबारे गम्भीर प्रश्न उठाएकी छन् ।
संसदमा धारणा राख्दै सांसद श्रेष्ठले युवाहरूको ठूलो संख्या रसियन सेनामा सहभागी भइरहेको विषयलाई लिएर चिन्ता व्यक्त गरिन् ।
उनले भनिन्, ‘यी विषयहरु सदनमा पटक–पटक उठेका कुराहरू हुन् । युवाहरू रसियन आर्मीमा गइरहेका छन् ।’
उनले सरकारको मौनताप्रति प्रश्न उठाउँदै भनिन्, ‘जनताले सदनमा आफ्नो आवाज नसुन्ने हो भने कहाँ गएर सुनाउने? हाम्रो लोकतन्त्रको अभ्यास यही होइन ?’श्रेष्ठको भनाइमा संसद जनताको आवाज बोल्ने, सुन्ने र कार्यान्वयन हुने ठाउँ हो भन्ने विश्वास अझै कायम रहनुपर्ने धारणा थियो ।
श्रेष्ठले अमेरिका लगायत विदेश जान लाखौं–करोडौं रुपैयाँ खर्चिनुपर्ने अवस्थालाई पनि गम्भीर रूपमा उठाइन् ।
‘कहिलेसम्म हाम्रा युवाहरू हाम्रो देशमा एक करोड खर्च गरेर अमेरिका जान तयार हुन्छन ? यसमा छानबिन गर्नु पर्दैन ?’उनको प्रश्न थियो ।
उनले सरकार जनताको लागि हो कि शक्ति भएका व्यक्तिहरूको लागि भन्दै प्रश्न गरिन् ।
थप समाचारहरु
बालकुमारी घटना हुनुमा भौतिकमन्त्री जिम्मेवार हो : केपी ओली
सराङकोटको विकासमा सघाउने प्रधानमन्त्रीको प्रतिबद्धता
व्यवस्थासँगै अवस्थामा पनि परिवर्तन भइरहेको उपप्रधानमन्त्री सिंहको दावी
अन्तर्राष्ट्रिय सम्बन्ध र पर्यटन समितिको बैठक आज बस्दै
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
