काठमाडौं । नेपाल राष्ट्रिय जातीय संग्रहालयको साधारणसभा–२०८३ र अधिवेशनबाट आगामी तीन वर्षे कार्यकालका लागि नयाँ कार्यसमिति निर्वाचित भएको छ।
अधिबेशनबाट कुमार ब्लोन तामाङ पुनः अध्यक्ष पदमा निर्वाचित भएका छन् ।
निर्वाचनबाट रणबहादुर थामी प्रथम उपाध्यक्ष, गंगामाया धिमाल द्वितीय उपाध्यक्ष, इन्दिरा जिमी महासचिव, ई.सानुबाबु प्रजापति सचिव, रुपबहादुर योञ्जन कोषाध्यक्ष र भीमप्रसाद योङहाङ सह–कोषाध्यक्ष पदमा निर्वाचित भएका छन् ।
त्यस्तै, सदस्य पदमा गोविन्दराम चेपाङ, बिलाम मोक्तान, राधाकृष्ण बस्नेत, डा.पशुपति न्यौपाने, प्राडा धनबहादुर कुँवर, कृष्णाकुमारी सुब्बा, उर्केन दोर्जे लामा, हरिचन छन्त्याल र टंकप्रसाद पाण्डे निर्वाचित हुनुभएको निर्वाचन परिणाममा उल्लेख छ।
नेपालको बहुजातीय, बहुभाषिक र बहुसांस्कृतिक पहिचानको संरक्षण तथा प्रवद्र्धन गर्ने उद्देश्य बोकेको संग्रहालयको नयाँ नेतृत्वमा विभिन्न जातजातिको प्रतिनिधित्व समेटिएको छ।
नवनिर्वाचित कार्यसमितिले आगामी तीन वर्षमा नेपालका विभिन्न समुदायका भाषा, संस्कृति, कला, परम्परा, भेषभूषा, जीवनशैली तथा अमूर्त सांस्कृतिक सम्पदाको संरक्षण, संवद्र्धन, अभिलेखीकरण र पुस्तान्तरणलाई थप प्रभावकारी बनाउने अपेक्षा गरिएको छ।
निर्वाचन मण्डलमा संयोजक वरिष्ठ अधिवक्ता गौबहादुर आलेमगर सदस्यद्वय अधिवक्ता दिलकुमारी राई र अधिवक्ता नारायणप्रसाद आचार्य रहेका छन् ।
थप समाचारहरु
चितवनमा २ हजारभन्दा बढी किसानलाई उन्नत बीउमा अनुदान
नेपाल विश्वविद्यालयको कुलपतिमा डा.लोहनी चयन
‘स्थानीय उद्यमशीलताको विकास र रोजगारी सृजना अहिलेको अवश्यकता
भूकम्पको शिर्षकमा बजेट छुट्याउन माओवादीको आग्रह
सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
